ސައުދީ އަރަބިއްޔާގައި ހަތަރު އަނބިންނާއި އިނދެގެން އުޅޭ ފިރިހެނުން ނިސްބަތުން ގިނައެވެ. އަރަބި ގައުމުތަކާއި މުސްލިމު އެހެން ގައުމުތަކަށް ބެލިޔަސް ނިސްބަތުން އެންމެ ގިނައިން ހަތަރު އަނބިންނާ ކައިވެނިކޮށްގެން އުޅެނީ ސައުދީ ފިރިހެނުންނެވެ. އެކަމަކީ ސައުދީގައި މާ ބޮޑު ސަމާލުކަމެއް ލިބޭ ކަމެއް ކަމަށް ނުވިޔަސް ސައުދީގެ ފިރިހެނަކު އިނދެގެން އުޅޭ ހަތަރު އަނބިންގެ ވާހަކަ ދެކެވެން ފެށީ އެ ހަތަރު އަނބިންގެ ވަރަށް ބޮޑު އިއްތިފާގެއް ފާހަގަކުރެވިގެންނެވެ.
އެއީ ސައުދީގެ ޖަޒާން އޭ ކިޔުނު އަވަށުގެ ސްކޫލެއްގެ ދަރިވަރަކުން ފެށިގެން ޕްރިންސިޕަލާ ހަމައަށް އަނބިން ގެ ގޮތުގައި ތިބުމެވެ.
މި ގޮތުން އެ ސްކޫލުގެ ސެކަންޑްރީ ލެވެލްގައި ކިޔަވާ އަންހެން ދަރިވަރު ގެ ފިރިމީހާއަކީ އެނާއަށް ކިޔަވައިދޭ ޓީޗަރާއި، ސުޕަވައިޒަރާއި، އަދި ޕްރިންސިޕަލް ގެ ވެސް ފިރިމީހާއެވެ.
މި ހަބަރު އާއްމުން ތެރެއިން ދެކެވެން ފެށުމުން އެ ހަތަރު އަނބިންގެ ތެރެއިން ޓީޗަރު ވަނީ އެމީހުން އުޅޭނީ ވަރަށް އުފަލުގައި ކަމަށް ސައުދީ ނޫހަކަށް މައުލޫމާތުދީފައެވެ. ބައެއް މީހުން ބުނާ ގޮތުން އަންހެނުންގެ ތަބީއީ ގޮތުން އެކަކު އަނެކަކާ ހުންނަ ހަސަދަވެރިކަމާއި ވާދަވެރިކަމެއްގެ ސަބަބުން 4 އަނބިން ގެންގުޅޭއިރު އެކަކު އަނެކަކާ އޮންނަ ގުޅުން އެހާ ރަނގަޅެއް ނޫނެވެ. ނަމަވެސް މި ހަތަރު އަނބިންވެސް ބުނަނީ އެމީހުން އުޅެނީ ވަރަށް އުފަލުގައެވެ. އެމީހުންގެ ހަމަޖެހުމާއި އުފަލުގެ ސިއްރަކީ އެކަކު އަނެކަކަކީ ކާކުކަން ބަލައިގަނެ، އިހުތިރާމްކޮށްގެން އުޅޭތީއެވެ.
މީގެ އިތުރުން އޭނައަށް އެއްވެސް ހާއްސަ ކަމެއް ފާހަގަ ނުވާ ކަމަށާއި، ހާއްސަ ވެގެން އުޅެނީ ސްކޫލު ހިސާބުގަނޑުގައި މި ދުވަސްކޮޅު މި ވާހަކަ މާ ބޮޑަށް ދެކެވޭތީ ކަމަށެވެ. އޭނާގެ ފިރިމީހާ ގެ އަނެއް އަނބިންނަކީ އެއް ސްކޫލެއްގައި ތަފާތު ފަންތީގައި އުޅޭ ބަޔަކަށް ވިޔަސް އެކަމުން އެއްވެސް އަސަރެއް ހާއްސަކަމެއް އޭނަގެ ހަޔާތުގައި ނެތް ކަމަށާއި ކައިވެނީގެ ދުވަސްތައް ދަނީ ވަރަށް އުފަލުގައި ކަމަށެވެ.
އެ ހިސާބުގެ އެންމެން ވެސް އަދި ސްކޫލުގައި ވެސް މި ކައިވެނި ތަފާތު ހާދިސާއެއްގެ ސިފައިގައި މީހުން ދައްކައެވެ.
