ދުނިޔޭގެ އެންމެ ބޮޑު ކާބޯތަކެތި އުފައްދާ އެއް ކުންފުނި ކަމަށްވާ ނެސްލޭއިން ރަޝިޔާއަށް މަދަދުވެރިވާ ކަމަށްބުނެ، ހަނގުރާމައިގެ މަދަދުވެރިންގެ ލިސްޓުގައި ހިމަނައިފިއެވެ. ރަޝިޔާއާއި ޔުކްރެއިނު ހަނގުރާމަ ފެށުނު ފަހުން ހުޅަނގުގެ ގިނަ ކުންފުނިތަކުން ރަޝިޔާގައި ހިންގަމުންދާ ވިޔަފާރިތައް ބަންދު ކުރުމަށް މަޖުބޫރު ކުރުމުންވެސް ނެސްލޭއިންވަނީ ރަޝިޔާގައި ގާއިމުކޮށްފައިވާ ފެކްޓްރީތަކާއި ފިހާރަތައް ބަންދު ކުރަން ދެކޮޅު ހަދާފައެވެ. އޭގެ ބަދަލުގައި ނެސްލޭއިން ވަނީ ރަޝިޔާގައި އެމީހުންގެ ވިޔަފާރި އާއި ޑިސްޓްރިބިއުޝަން އިތުރަށް ފުޅާކޮށްފައެވެ. މީގެ އިތުރުން ނެސްލޭ އުފެއްދުންތައް ރަޝިޔާގެ މާކެޓުން ނެގުމަށްވެސް ނެސްލޭއިން ދެކޮޅު ހަދައެެވެ
މަޝްހޫރު އެތައް ބްރޭންޑެއްގެ ކާބޯތަކެތި އުފައްދާ ނެސްލޭއަށް ފިއްތުންތައް ކުރިމަތި ކުރުމުގެ ގޮތުން ޔުކުރޭނުގެ އިދާރާތަކުން ވަނީ ޔުކުރޭނާ ދެކޮޅަށް ހަނގުރާމަކުރާ ރަޝިޔާއަށް މަދަދުވެރިވާ ކުންފުނިތަކުގެ ލިސްޓަށް ނެސްލޭ އިތުރުކޮށްފައެވެ. ޔުކްރޭނާއި ރަޝީޔާގެ ހަނގުރާމަ ފެށުނު ފަހުން ޔޫރަޕާއި އެމެރިކާގެ ގިނަ ކުންފުނިތަކުންވަނީ ރަޝިޔާގައި ވިޔަފާރި ކުރުން ހުއްޓާލާފައެވެ. މީގެ ތެރޭގައި މަޝްހޫރު އެޕަލް ކުންފުންޏާއި، މެކްޑޮނަލްޑް، ކޭއެފްސީ، ކޮކާ ކޯލާ ފަދަ ކުންފުނިތައް ހިމެނެއެވެ. ރަޝިޔާގައި ވިޔަފާރިކުރާ ޔޫރަޕާއި އެމެރިކާގެ ކުންފުނިތަކަށް ދަތި ކުރުމުގެ ފިޔަވަޅުތަކެއްވެސް ވަނީ ޔުކުރޭނުގެ އެދުމުގެ މަތިން އަޅާފައެވެ.
ރަޝިޔާއާއި ދެކޮޅަށް ޔުކުރޭނުން ހަނގުރާމަކުރަމުންދަނީ އެމެރިކާއާއި ހުޅަނގުގެ މަދަދާއެކުގައެވެ.
