މަސްވެރިންގެ އަތުން މަސް ގަންނަ އަގަށް ބަދަލު ގެންނަން ވިސްނާފައި ނުވާނެ ކަމަށް މިފްކޯއިން ބުނެފިއެވެ.
ރާއްޖޭގެ އޮންލައިން ނޫހަކުން ބުނެފައިވަނީ މިފްކޯއިން މިހާރު މަސްގަންނަ އަގު 25 ރުފިޔާއަށްވުރެ ކުޑަކުރަން ފިނޭންސް މިނިސްޓްރީ އާއެކު މަޝްވަރާ ކުރަމުންދާ ކަމަށެވެ.
އެކަމާ ގުޅިގެން މިފްކޯއިން މިއަދު ނެރުނު ބަޔާނެއްގައި ބުނީ، އެފަދަ މަޝްވަރާއެއް ކޮށްފައިނުވާނެ ކަމަށެވެ. މިދިޔަ ސެޕްޓެމްބަރު މަހުގެ ތެރޭގައި މަސް ގަންނަ އަގު 17 ރުފިޔާއިން 25 ރުފިޔާއަށް ބޮޑުކުރަން ނިންމީ ރާއްޖެއިން ޔޫރަޕަށް ވިއްކާ މަހުން ނަގާ 22 ޕަސަންޓް ޑިއުޓީ ކަނޑާލަން، ސަރުކާރާއި ޔޫރަޕިއަން ޔޫނިއަން (އީޔޫ) އާއެކު ކުރި މަޝްވަރާތައް ރަނގަޅު ގޮތެއްގައި ކުރިއަށް ގެންދެވިފައިވާތީ ކަމަށްވެސް ބުންޏެވެ.
”މަހުގެ އަގު ބޮޑުކުރި ދުވަހުން ފެށިގެން މިފްކޯއިން ވަނީ މަސްވެރިން އަތުން ސަރުކާރުން ނިންމެވި އަގު ކަމަށްވާ 25 ރުފިޔާއަށް ގަންނަމުންނެވެ. މި އަގު ކުޑަކުރަން މިފްކޯއިން އެއްވެސް ވަރަކަށް ވިސްނުމެއް ނުގެންގުޅޭކަމުގެ ޔަގީންކަން މަސްވެރިންނަށް އަރުވަން،“ މިފްކޯއިން ބުންޏެވެ.
މި ދުވަސް ވަރު މޫސުން ގޯސް ވިޔަސް ބައެއް ހިސާބުތަކުގައި މސްވެރިކަން ރަނގު ކަމަށްވެސް މފްކޯއިން މައުލޫމާތުދެއެވެ.




