މި އީދުގައި މިރޭ މިއީ ބ. އަތޮޅުގައި އެންމެ ފޯރިގަދަ އެއް ރެއެވެ. ހުނަރުވެރިއެތައް ފަންނާނުން އެއް ސްޓޭޖަކުން ބަލާލަން ބޭނުން ނަމަ އެ ފުރުސަތު އޮތީ ބ. ތުޅާދޫގައެވެ.
ތުޅާދު ސްޓޭޖުން މިރޭ ފެންނާނެ ފަންނާނުން ގެ ތެރޭގައި ރާއްޖޭ މި ވަގުތު ހުރި އެންމެ މަޝްހޫރު ލަވަކިއުންތެރިޔާ ޝަލަބީ އިބްރާހިމާއި، ކުޅަދާނަ ލަވަކިޔުންތެރިޔާ ރާފިޔަތު ރަޒީމާގެ އިތުރުން ޒުވާން ފަންނާނު އަސްރާ ގެ ހުށައެޅުންތައް ފެންނާނެއެވެ. ލައިވް މިއުޒކާ އެކު ހައުސް އޮފް މިއުޒިކުގެ ބޭންޑު ކުޅެމުންދާއިރު ޝޯވް އަށް އިތުރު ފުރިހަމަ ކަމެއް ގެނެސް ދެނީ ޔާރާ ޓީމުގެ ކުޅަދާނަ ނެށުން ތެރިން ގެ ހަރަކާތްތަކެވެ.
ޔާރާ ޓީމުގައި އިތުރު ތައާރަފަކަށް ބޭނުން ނުވާ ރިޝްމީ، އާޝާ، އަޒޭ، ނުޒޫ، ޖުމާ އަދި ސޭންޑީގެ ފޯރި ގަދަ ނެށުންތަކާއެކު މިއީ ތުޅާދޫއަށް އަންނަ ފިސާރި އީދެކެވެ.
ސްޓޭޖް ޝޯވް ގެ އިތުރުން ވެސް މި އީދުގައި ބ. ތުޅާދޫގައި ސަގާފީ އެކިއެކި ކުޅިވަރުތައް އޮންނާނެއެވެ. މި ގޮތުން ބޮޑުބެރާއި، ބިލެތްދަފި ނެގުމާއި، ކޯޑި ކުޅުން އަދި ވާދެމުން ފަދަ ރަށުގެ ހުރިހާ އެންމެ ބައިވެރިގެން ބާއްވާ އެތައް ކުޅިވަރުތަކެއް އީދު ގެ ފުރަތަމަ ދުވަހުން ފެށިގެން އީދު ބަންދު ނިމެންދެން އޮންނާނެއެވެ.
އަތްތެރި މަސައްކަތްތަކާއި، ހާއްސަކޮށް ލިޔެލާ ޖެހުމަށް މަޝްހޫރު ބ.ތުޅާދޫގައި މި ފަހަރު އީދު ފޯރި ނަމުގައި ހަރަކާތްތައް ބާއްވާ އިންތިޒާމު ކުރަމުންދަނީ ތުޅާދޫ ހުރިހާ ޖަމުއިއްޔާ، ކުލަބްތައް ހިމެނޭ ގޮތަށް ތުޅާދޫ ޓީއެސްއެސްސީ ގެ ފަރާތުންނެވެ.
ތުޅާދޫ މިރޭ ބާއްވާ ސްޓޭޖު ޝޯވގައި އެރަށު ޖަމުއިއްޔާއެއް ކަމަށްވާ ބޮސް ފިޝަރ ގެ ފަރާތުން ހާއްސަ އައިޓަމް ތަކެއް ވަނީ އިންތިޒާމުކޮށްދީފައެވެ.
