ބޮޑު އީދުގައި މާލެ ސަރަހައްދުން މި ފަހަރު އެންމެ ފޯރި ގަދަވާނީ ހުޅުމާލެ ފޭސް ދޭއްގައެވެ.
އާބަންކޯއިން އިންތިޒާމުކުރާ ފޯރި ގަދަ ޝޯވ މިރޭ އޮންނާނީ ހުޅުމާލެ ފޭސް 2 ގެ ކުރިކެޓް ސްޓޭޑިއަމް ގައެވެ.
މިރޭގެ ޝޯވްގައި މަޝްހޫރު ލަވަކިއުންތެރިޔާ ޝަލަބީ އިބްރާހިމް، ރާފިޔަތު ރަމީޒާ އަދި އަޝްރާ ގެ ލައިވް ޕާފޯމެންސް އިތުރުން ފޯރިގަދަ އެތައް ހަރަކާތްތަކެއް ހިމެނެއެވެ. މީގެ ތެރޭގައި ކަވާސާ ބޮޑުބެރު ގުރޫޕުގެ ބޮޑުބެރާއި ސަގާފީ ހަރަކާތްތައްވެސް ހިމެނެއެވެ.
މިއީ ހުޅުމާލޭ ފޭސް ދޭއްގައި ބޭއްވޭ މި ފަދަ ފުރަތަމަ ޝޯވއެވެ.
އީދުގެ ފުރަތަމަ ދުވަސް މާލެއިން ބޭރަށް ނުދެވިފަތިިބި ފަރާތްތަކަށް މިރޭ ހުޅުމާލެ ފޭސް ދޭކުން އީދެއްގެ އުފަލާއި މަޖާ އަދި ފޯރި ފެންނާނެ ކަމަށް މި ޝޯވ އިންތިޒާމުކުރާ ފަރާތްތަކުން ޔަގީންކަން ދެއެވެ.
