އިޒްރޭލު ސިފައިން ފަލަސްތީނުގެ ގައްޒާއަށް އަރައި ދެމުންދާ ޓެރެރިސްޓު ހަމަލާތަކުގައި ފަލަސްތީނުގެ ގާނޫނޫ ހަދާ މަޖުލީހުގެ ނައިބްރައީސް އަހުމަދު ބަހަރު ޝަހީދު ކޮށްލައިފިއެވެ.
އިޒްރޭލު ސިފައިން އަހުމަދު ބަހަރަށް އަމާޒުކޮށް ދިން އުދުވާނީ ހަމަލާގައި އެމަނިކުފާނުގެ އާއިލާގެ ބައެއް މެމްބަރުންވެސް ވަނީ ޝަހީދުކޮށްލާފައެވެ. ހަމާސް ޖަމާއަތުގެ އިސްމެމްބަރެއްގެ އިތުރުން އަހުމަދު ބަހަރަކީ ފަލަސްތީނު ރައްޔިތުން ވަރަށް ބޮޑަށް އިހުތިރާމް ކުރައްވާ ބޭފުޅެކެވެ.
ފަލަސްތީނު ރައްޔިތުންނަށް އިޒްރޭލުން ދެމުންދާ ހަމަލާތައް މަހަކަށްވުރެ ގިނަ ދުވަސްވީއިރު މިހާތަނަށް ވަނީ 15000 ވުރެ ގިނަ ފަލަސްތީނު ރައްޔިތުން ޝަހީދުކޮށްލާފައެވެ. އިޒްރޭލުން ގައްޒާއަށް އެއްގަމު މަގުން އަރާފައިވާއިރު ހޮސްޕިޓަލްތަކާއި ސްކޫލުތައް ދަނީ އެމީހުންގެ ބާރުގެ ދަށަށް ގެންނަމުންނެވެ.
