އިޒްރޭލުގެ އަނިޔާވެރި އުދުވާނުގައި ފަލަސްތީނުން ގެދޮރު ގެއްލި ހާލުގައި ޖެހިގެން އަންނަ އެއްވެސް ރެފިއުޖީއެއް ޖޯޑަންއިން ބަލައިގަންނަން ބޭނުން ނުވާ ކަމަށާއި އެކަމަށް އެގައުމު ތައްޔާރުވެފައިވެސް ނުވާ ކަމަށް ޖޯޑަން ގެ ރަސްގެފާނު އަބްދުﷲ ވިދާޅުވެއްޖެއެވެ.
ފަލަސްތީނު ރައްޔިތުންނާ ދެކޮޅަށް އިޒްރޭލުން ފަށާފައިވާ ހަނގުރާމައިގެ މައްސަލާގައި މި ވަގުތު ޔޫރަޕުގެ ގައުމުތަކަށް ދަތުރުކުރައްވަމުން ގެންދަވާ އަބްދުﷲ މިހެން ވިދާޅުވީ މިއަދު ޖަރުމަނުގެ ޗާންސެލަރ އޮލަފް ޝޯލްޒް އާއި ބައްދަލު ކުރެއްވުމަށް ފަހުގައެވެ. ޖަރުމަނުގައި ދެބޭފުޅުން މީޑިއާތަކަށް މައުލޫމާތު ދެއްވަމުން ވިދާޅުވީ ޖޯޑަންގައިވެސް އަދި މިސުރުގައިވެސް މިވަގުތު ފަލަސްތީނުގެ އެއްވެސް ރެފިއުޖީއެއް ނެތް ކަމަށާއި ފަލަސްތީނުގެ ރެފިއުޖީންގެ މައްސަލައަކީ އެހެން ގޮތަކަށް އެކަން ފުރޮޅާލަން ބޭނުންވާ ބަޔަކު ބޭނުން ވެގެން އުޅޭ ކަމެއް ކަމަށެވެ. ޖަރުމަނުގެ ޗާންސެލަރު ގެ އަރިހުގައި ހުންނަވައިގެން ރަސްގެފާނު އަބްދުﷲ ވިދާޅުވީ ގާޒާ ރައްޔިތުންގެ މައްސަލަ ނިންމަންވާނީ ގާޒާގެ ތެރޭގައި ފަލަސްތީނުގެ ތެރޭގައި ކަމަށާއި އެކަން އެހެން ގައުމުތަކަށް ފުޅާކޮށްގެން ނުވާނެ ކަމަށެވެ.
