ރައީސް ނަޝީދު އެމްޑީޕީގައި ހުރި އިރު އެމަނިކުފާނުގެ އަރިސް ފަރާތްތައް ހަވާލުކުރި ތަރައްގީގެ އެއްވެސް މަސައްކަތެއް ނުނިމި އެކަން ސަރުކާރުގެ ބޮލުގަ ރިހުމަކަށް ވަނީ ވެފައެވެ. މި ކަންކަން އެނގޭ ފަރާތްތަކުން މުރާސިލަށް ހިއްސާކޮށްފައިވާ މައުލޫމާތު ތަކަށް ބަލާއިރު ފެނާ ނަރުދަމާގެ ގިނަ މަސައްކަތްތަކެއް ވަނީ ރައީސް ނަޝީދުގެ މަސްލަހަތު އޮންނަ ސްޓެޓިކްސް ކޮމްޕެނީ އާ ހަވާލުކޮށްފައެވެ. މި މަސައްކަތްތަށް އޭރު ހަވާލު ކޮށްފައިވަނީ ނަޝީދުގެ ޕްރެޝަރާއި އެކު ސަރުކާރުންވެސް ވީހާވެސް އަވަހަށް މަސައްކަތަށް ނިންމަން ބޭނުންވުމުންނެވެ. ނަމަވެސް މި އަދާ ހަމައަށް އައި އިރުވެސް މިއިން އެއްވެސް ރަށެއްގެ މަސައްކަތްތަށް ނުނިމި ބައެއް ރަށްރަށުގެ މަސައްކަތް ވަނީ އަލުން އެހެން ކުންފުނިތަކާ ހަވާލުކޮށްފައެވެ. ފެނާ ނަރުދަމާ ފަދަ ތަރައްގީގެ މަޝްރޫއު ތަކަކީ އެތައް ރައްޔިތުންގެ އުއްމީދު ތަކާ ގުޅިފައިވާ ތަރައްގީގެ ބޮޑު މަސައްކަތަކަށް ވުމުން، ރައީސް ނަޝީދާއި ރައީސް އިބްރާހިމް މުހައްމަދު ސޯލިހާ ޖެހުނު މައްސަލާގައި ނަޝީދުގެ އިހުތިޔާރުކުރީ ސަރުކާރުގެ ސްޕީޑް ލަސް ކަމަށް ދެއްކުމާއި ކަންކަން ނުވާކަން އާއްމުންނަށް ވިސްނައިދީ ސަރުކާރު ޕްރެސަރަށް ވައްޓާލުމެވެ. މި ކަން މި މަގަށް ކުރުމަށް ހިތްވަރު ލިބުނީ ސްޓެޓިކް ފަދަ ނަޝީދުގެ ގާތް މީހުންގެ ކުންފުނިތަކުން އެ ގޮތަށް އަމަލުކުރަން ފެށުމުންނެވެ.
ރަށްރަށުގެ ސްކޫލްތަކާއި ޒުވާނުން މަރުކަޒު ފަދަ ތަންތަނުގެ އިމާރާތް ކުރުމުގެ ބައެއް ޕްރޮޖެކްޓު ލިބުނީ އީވާ ގެ ފިރިކަލުން ސާބެ ގެ މަސްލަހަތު އޮންނަ ކުންފުނި ތަކަށެވެ. ސާބެވެސް ވަނީ ނަޝީދަށްޓަކައި މި މަސައްކަތްތައް ހުއްޓާލާ ސަރުކާރު ހޫނު ފެނަށް ވައްޓާލާފައެވެ. މި ގޮތުން އއ. މާޅޮހުގައި ސާބެ މެން ހަދަމުންދާ ސްކޫލް ޕްރޮޖެކްޓު ހުއްޓާލާ މުއައްޒުފުންވެސް ވަނީ ރަށުން ބާލާފައެވެ. އެ ސައިޓު ބަލާ ކޮންމެ މީހަކުވެސް ބުނާނީ ސަރުކާރު ’ސްލޯ‘ ވާހަކައެވެ، ކަމެއް ނުވާ ވާހަކައެވެ. އަސްލު ބޮޑު މަންޒަރާއި ސިޔާސީ ޒާތީ ހަސަދާގައު ރައްޔިތުންނަށް ދެމުންދާ ގެއްލުން އިނގެނީ މަދު ފަރާތްތަކަށެވެ.
ސާބެ މިއަދު މަސައްކަތް ކުރަމުން ދަނީ ނަޝީދުގެ ޕާޓީ ދަ ޑިމޮކްރެޓްސްގައެވެ. އެ ޕާޓީގެ އިސް ވެރިއެއްގެ ގޮތުގައެވެ. ސަރުކާރު ޕްރޮޖެކްޓުތަކުން ލިބުނީ ކިހާ ފައިސާއެއް ކަމެއް ނޭންގެއެވެ، އިނގޭހާވެސް ކަމަކީ ނަޝީދަށްޓަކައި ރަށެއްގެ ރައްޔިތުން ތަކަށް ހިތްދަތިކަން ދީފައި، ސަރުކާރު ބަދުނާމު ކުރަން އުޅޭ މަންޒަރެވެ.
ސްޓެޓިް ކޮމްޕެނީއަކީ ވެސް ނަޝީދުގެ އެންމެ ބޮޑު މަދަދުގާރެވެ. ނަރުދަމާ އާއި ފެނުގެ މަސައްކަތަށް ބިލު ކުރިހާ ވަރަކަށް ލިބުނު ލާރިން ފައިދާއެއްވި ނަމަ އެކަންވީ ޑިމޮކްރެޓްސްގެ އިވެންޓުތަކަށެވެ. ބައެއް ރަށްރަށުގައި ފެނާ ނަރުދަމާއަށް ވަޅުކޮނެފަ، ފައިބައިގެން ދިޔައީ އެތަނުގެ މަތިވެސް ޖަހާނުލައެވެ. ސަރުކާރުގެ ތަރައްގީ ލަސްކަމަށް އާއްމުންނަށް ދެއްކުމުގައި ހޯދި ކާމިޔާބާއި ނަޝީދަށްޓަކައި ވީ ގުރުބާނީ އެ ކުންފުނިން ވަނީ ކާމިޔާބު ހޯދާފައެވެ. މި ފަދަ ކާމިޔާބީ ފާހަގަކުރަނީވެސް ނަަޝީދު ސަރުކާރުގައި އެ ކުންފުންޏަށް ލިބުނު ރިސޯޓުގައެވެ.
މިއީ ރައްޔިތުންނަށްޓަކައި އުޅޭ ކަމަށްބުނާ ސިޔާސީ ލީޑަރުންގެ އަސްލު ބޮޑު މަންޒަރެވެ. އަމިއްލަ ޒާތީ ހަސަދައެއްަގައި ހަނާވެ ފަނާކުރަމުންދަނީ ރައްޔިތުންގެ އުއްމީދުތަކެވެ. ބައެއް ރައްޔިތުންނަށް ހަގީގަގަތް ނޭންގުމަކީ މި ފަދަ ސިޔާސީ ފަރާތްތަކަށް ލިބޭ އެންމެ ބޮޑު ފައިދާއެވެ.
Ragalhu vaahaka eh hama thedhu habareh thee