މަޝްހޫރު މޮޑެލް ކައިލި ޖެނަރ ގެ އިންސްޓަރގްރާމް ޕޯސްޓުގައި އިޒްރޭލަށް ތާއިދުކޮށް ޖެހި ލިޔުން ނަގައިފިއެވެ. ކޮސްމެޓިކްސްގެ ވިޔަފާރިގައި މަހުޖަނެއްގެ އިތުރުން ސޯސަލް މީޑިއާގެ އިންފުލުއެންސަރ ތަކެއް ހިމެނޭ އާއިލާއަކަށް ނިސްބަތްވާ ކައިލީ ޖެނަރ ކުރި ޕޯސްޓުގައި ބުނެފައިވަނީ ’މިހާރުވެސް އަބަދުވެސް އަހަރެން ހުންނާނީ އިޒްރޭލާއި އެ ގައުމުގެ ރައްޔިތުންގެ ހައްގުގައި‘ ކަމަށެވެ. މި ޕޯސްޓު ޖެހުމުން ގިނަ ބަޔަކު ވަނީ ކައިލީއަށް ވަރަށް ބޮޑަށް ފާޑުކިޔާ އަންފޮލޯކޮށް ކައިލީގެ ވިޔަފާރިތައް ބޮއިކޮޓް ކުރުމަށް ގޮވާލާފައެވެ. އާއްމުންގެ ފާޑުކިޔުމާއި ނަފްރަތު އަމާޒުވުމުން އެ ޕޯސްޓުވަނީ ފުހެލާފައެވެ.
ކައިލީ ޖެނަރ ގެ ވިޔަފާރީގެ ބޮޑު ހިއްސާއެއްވާ އޭޝިޔާ، މެދުއިމަތީގެ ގައުމުތަކާއި އެފްރިކާގައި ފަލަސްތީނަށް ވަރަށް ބޮޑު ތާއިދެއް އޮވެއެވެ. އެހެންކަމުން މި ވަރުގެ ބޮޑު އާބާދިއެއް ނުރުހުންވާ ކަމެއް ކުރުމަށް ފަސްޖެހުނީ ވިޔަފާރިއަށް ގެއްލުންވެ ސޯސަލް މީޑިއާގައި ފޮލޯ ކުރާ އެތައް ބަޔަކުވެސް ގެއްލިދާނެ ކަމުގެ ބިރަށްޓަކައި ކަމަށް ކައިލީއަށް ފާޑުކިޔާ ފަރާތްތަކުން ތުހުމަތު ކުރެއެވެ. އިންސްޓަރގްރާމް ގައި އެކަނިވެސް 400 މިލިއަން ފޮލޯވަރސް ތިބޭއިރު ފޭސްބުކްގައި 33 މިލިއަން މީހުން ފޮލޯކުރެއެވެ.
ފަލަސްތީނާއި އިޒްރޭލާ ދެމެދު އިއްޔެއިން ފެށިގެން ކުރަމުންދާ ހަނގުރާމައިގައި ފަލަސްތީނުގެ ގިނަ އަދަދެއްގެ ބަޔަކު ވަނީއިޒްރޭލުގެ ހަމަލާގައި ޝަހީދުވެފައެވެ. މީގެ އިތުރުން ފަލަސްތީނުގެ އެތައް ގެއަކަށް ބޮންއަޅާ ބިމާ ހަމަކޮށްލާފައިވާއިރު އެތައް ބަޔަކުވަނީ އަނިޔާވެރިކަމާ އެކު ހައްޔަރުކޮށްފައެވެ. ފަލަސްތީނުގެ ހިފާފައިވާ ބިންތަކުގައި އިޒްރޭލު ސިފައިންގެ އަނިޔާވެރިކަން ބޮޑުވެ، ކޮންމެ ދުވަހަކު އެތައް ބަޔަކު ނުހައްގުން ހައްޔަރުކުރަމުންދާތީވެ އެކަމާ ދެކޮޅަށް ފަލަސްތީނުގެ މިނިވަންކަމަށް މަސައްކަތްކުރާ ޖަމާއަތެއްކަމަށްވާ ހަމާސް ޖަމާއަތުން އިސްވެއޮވެ ވަނީ ރޮކެޓުން ހަމަލާދީ މި ފަހުގެ ތާރީހުގައި އިޒްރޭލަށްދިން އެންމެ ބޮޑު ގެއްލުންދީފައެވެ. އިއްޔެގެ ވަގުތެއްގައި ދިން ކުއްލި މި ހަމަލާއަށް ފަހު އެ ޖަމާއަތުން ބުނަނީ އަޅުވެތިކަމާއި އަނިޔާގައި މަރުވުމަށްވުރެ އަމިއްލަ ވަތަނާއި މާތްވެގެންވާ މަސްޖިދުލް އަގްސާ ގެ ދިފާއުގައި ފުރާނަދިއުން މާ އުފާވެރިކަމަށެވެ.
ކުރި ޕޯސްޓް ނެގިޔަސް ތިމާ އެކަމުގައި ދެކޭގޮތް އެއޮތީ ހާމަވެފައި. ދެން ތިޔަބުނާ ނޫސް ހުއްޓާލުން ނޫންގޮތެއް ނުވާނެ.