އިނގިރޭސިވިލާތާއި މެންޗެސްޓަރ ޔުނައިޓެޑް ގެ ލެޖެންޑް ސަރ ބޮބީ ޗާލްޓަން އަވަހާރަވެއްޖެއެވެ. އުމުރުން 86 އަހަރުގައި ބޮބީ ޗާލްޓަން އަވަހާރަވި ހަނދާން ނެތުމުގެ ބައްޔަށް ފަރުވާ ހޯއްދަވަމުން ދަނިކޮށްމިއަދުގެ ވަގުތެއްގައެވެ.
އިނގިރޭސިވިލާތާއި ދުނިޔޭގެ ފުޓުބޯޅައިގެ ގަދަ ބާރު މެންޗެސްޓަރ ޔުނައިޓެޑަށް 758 މެޗު ކުޅެދީފައިވާ އަދި އިނގިރޭސި ގައުމީ ޓީމަށް 100 އަަށްވުރެ ގިނަ މެޗުގައި ކުޅުނުބޮބީ ޗާލްޓަންއަކީ 1966 ވަނަ އަހަރު އިނގިރޭސިން ވޯލްޑު ކަޕު ކާމިޔާބު ކުރިިޓީމު މުހިއްމު ކުޅުންތެރިއެކެވެ. އިނގިރޭސި ވިލާތުގައި އުފެދުނު އެންމެ ހުނަރުވެރި އެއް ފުޓްބޯޅަ ކުޅުންތެރިޔާގެ ބައެއް ރެކޯޑުތައް މުގުރާެލެވިފައިވަނީ ދާދި ފަހުންނެވެ. ގައުމީ ޓީމަށް އެންމެ ގިނަ ލަނޑު ޖެހި ކުޅުންތެރިޔާއި އާއި މެންޗެސްޓަރ ޔުނައިޓެޑަށް އެންމެ ގިނަ ލަނޑު ޖެހި އަދި އެންމެ ގިނަ މެޗު ކުޅުނު ރެކޯޑު ގިނަ އަހަރުތަކެއްގައި އޮތީ ބޮބީ ޗާލްޓަންގެ އަތުގައެވެ.
ބޮބީ ޗާލްޓަން ވަކިވުމުގެ ހިތާމައިގައި ދުނިޔޭގެ ފުޓްބޯޅައިގެ އެކި ފަރާތްތަކުންނާއި އިނގިރޭސި ވިލާތާއި ބައެއް ގައުމުތަކުގެ ވެރިންދަނީ އެމަނިކުފާނުގެ އާއިލާއަށް ތައުޒިޔާ ކިޔަމުންނެވެ.
