ރައީސުލްޖުމްހޫރިއްޔާ ޑރ.މުހައްމަދު މުއިއްޒު، ވަޒީރުންގެ މަޖިލީހަށް ބަދަލުތަކެއް މިއަދު ގެންނަވައިފިއެވެ.
ވަޒީރުންގެ މަޖިލީހަށް ޢައްޔަންކުރެއްވި ބޭފުޅުންނަށް މަގާމުގެ ފަތްކޮޅު ދެއްވުމަށް ބޭއްވެވި ރަސްމިއްޔާތު އޮތީ، މިއަދު މެންދުރުފަހު ރައީސުލްޖުމްހޫރިއްޔާގެ އޮފީހުގައެވެ.
މި ގޮތުން ކުރިން ފޮރިން މިނިސްޓަރުގެ މަގާމުގައި ހުންނެވި މޫސާ ޒަމީރު ވަނީ ފިނޭސް މިނިސްޓަރުގެ މަގާމަށް އައްޔަން ކުރައްވާފައެވެ. ހެލްތު މިނިސްޓަރުގެ މަގާމުގައި ހުންނެވި އަބްދުﷲ ހަލީލު އައްޔަން ކުރެއްވީ ފޮރިން މިނިސްޓަރުގެ މަގާމަށެވެ. އަދި ހެލްތު މިނިސްޓަރުގެ މަގާމަށް އައްޔަން ކުރެއްވީ ކުރީގެ ރައީސް ޔާމީން އަބްދުލް ގައްުޔޫމުގެ ކެބިނެޓުގައިވެސް ހެލްތު މިނިސްޓަރުކަން ކުރެއްވި އަބްދުﷲ ނާޒިމް އިބްރާހިމެވެ. ނާޒިމް މި ސަރުކާރުގައި އަދާކުރަމުން އައީ ރައީސުލްޖުމްހޫރިއްޔާގެ އޮފީހުގެ ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީގެ މަގާމެވެ.
ވަޒީރުންގެ މަޖިލީހަށް ޢައްޔަންކުރެއްވި ބޭފުޅުންނަށް މަގާމުގެ ފަތްކޮޅު ދެއްވުމަށް ބޭއްވެވި ރަސްމިއްޔާތު އޮތީ، މިއަދު މެންދުރުފަހު ރައީސުލްޖުމްހޫރިއްޔާގެ އޮފީހުގައެވެ. ވަޒީރުންގެ މަޖިލީހުގެ މެންބަރުކަމުގެ ހުވައި ލައިދެއްވީ ސުޕްރީމް ކޯޓުގެ ފަނޑިޔާރު އޮނަރަބްލް ޑޮކްޓަރ މުޙައްމަދު އިބްރާހީމެވެ.
މިނިސްޓަރ އޮފް ފިނޭންސްގެ މަޤާމުގައި ހުންނެވި ޑޮކްޓަރ މުޙައްމަދު ޝަފީޤް މިއަދު ވަނީ އެހެން ވުޒާރާއަކަށް އައްޔަން ނުކުރެއްވުމުން ، ފިނޭންސް މިނިސްޓަރުގެ މަގާމުން އިސްތިއުފާ ދެއްވާފައެވެ.
