ސަރުކާރުގެ މާލީ ދަތިކަމުގެ ތެރޭގައި ހަރަދުތައް ކުޑަކުރުމުގެ ފިޔަވަޅުތައް އަޅާފައިވަނިކޮށް މޯލްޑިވްސް އެއަޕޯޓްސް ކޮމްޕެނީން އަހަރީ ބޯނަސް ގެ ގޮތުގައި ކޮންމެ މުއައްޒަފަކަށް 25،000 ރުފިޔާ ދީފިއެވެ.
ސަރުކާރުން ހަރަދު ކުޑަކުރުމުގެ ސިޔާސަތުގެ ދަށުން، ސަރުކާރު ހިއްސާވާ ކުންފުނިތަކުންވެސް ހަރަދު ކުޑަ ކުރުމުގެ ސިޔާސަތު ތަކެއް ވަނީ ކަނޑައަޅާފައެވެ. މި ގޮތުން އެއަޕޯޓްސް ކޮމްޕެނީން ވަނީ 10 ދާއިރާއަކުން %20 އާއި %30ގެ އަދަދަކަށް ހަރަދު ކުޑަ ކުރުމަށް ނިންމާފަ އެވެ. އެކަން ކުރާނީ، މުވައްޒަފުން ނުކަނޑައި އިނާޔަތްތައް މަދުނުކޮށް ކަމަށް ވެސް އޭރު އެ ކުންފުނިން ބުނެފައިވެ އެވެ.
ސަރުކާރު ހިއްސާވާ ކުންފުނި ތަކުގެ ތެރެއިން އެންމެ ގިނަ އަދަދެއްގެ މުއައްޒަފުން ވަޒީފާ އަދާކުރާ އެއް ކުންފުންޏަކީ އެއަޕޯޓްސް ކޮމްޕެނީއެވެ. 4000 އަށް ވުރެ ގިނަ މުއައްޒަފުން މަސައްކަތްކުރާ އެއަޕޯޓްސް ކޮމްޕެނީން އަހަރީ ބޯނަސް ގެ ގޮތުގައި 105،000،000 މިލިއަން ރުފިޔާ ވަނީ ހަރަދު ކޮށްފައެވެ. ވޭތުވެދިޔަ 2 އަހަރުވެސް އެމްއޭސީއެލް މުއައްޒަފުންނަށް އަހަރީ ބޯނަސް ގެ ގޮތުގައި 25،000ރ ދީފައިވެއެވެ.
