މާލޭ ގެއެއްގެ ތެރޭގައި މަރުވެފައި އޮތް މީހަކު ފެނިއްޖެއެވެ. ހެންވޭރު ލޮނުޒިޔާރަތް މަގުގައި ހުންނަ ހާޅަލަމާގެ ގްރައުންޑު ފްލޯގައި ވެއްޓިފައި އޮތް މީހަކު ފެނިގެން ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށް ޕޮލިހުން މައުލޫމާތު ދެއެވެ.
ޕޮލިހުން މައުލޫމާތު ދޭ ގޮތުގައި އުމުރުން 43 އަހަރުގެ ފިރިހެނަކު މަރުވެފައިވަނީ ކޮން ސަބަބެއް މެދުވެރިގެން ކަމެއް އަދި އެމީހާ އެގެއަށް ވަތް ސަބަބެއް ސާފު ނުވާ ކަމަށާއި އިތުރު މައުލޫމާތު ފަހުން ހިއްސާ ކުރާނެ ކަމަށެވެ.
ހ. ހާޅަލަމާގެ އަކީ މި މީހާ އާއި ގުޅުމެއް ހުރި ގެއެއް ނޫން ކަމަށް އެ ސަރަހައްދުގައި ދިރިއުޅޭ މީހުން މައުލޫމާތު ދެއެވެ. ބައެއް މީހުން ބުނާ ގޮތުން އޭނާ ވަނީ ކަރަންޓު ކޭބަލް ތަކެއް ވަގަށް ނެގުމަށް މަސައްކަޔް ކޮށްފައެވެ.
