ރައްޔިތުންގެ މަޖުލީހުގެ ޓިކެޓު ހޯދުމަށް ޕީޕީއެމް ޕީއެންސީގެ ޕްރައިމަރީގައި ވާދަކޮށް، ނާކާމިޔާބުވި މުހުތާޒު މުހުސިނަށް ރައީސުލް ޖުމްހޫރިއްޔާގެ އެޑްވައިޒަރުގެ މަގާމު ދެއްވައިފިއެވެ.
ކުރިން ޕްރޮސެކިއުޓަރ ޖެނެރަލްގެ މަގާމު އަދާކުރެއްވި މުހުތާޒު ވާދަކުރެއްވީ އަނބިކަނބަލުން ނިސްބަތްވާ އދ.ދަނގެތީ ދާއިރާއަށެވެ. މި ދާއިރާއިން ޕީއެންސީ މަޖުލިސް ޓިކެޓު ކާމިޔާބު ކުރީ އދ.ދަނގެތި، ބަގީޗާގެ އަބްދުﷲ ރަޝީދު (އަވަސް އަބްދުﷲ) އެވެ.
ރައީސް ޑރ.މުހައްމަދު މުއިއްޒުގެ ކްރިމިނަލް ޖަސްޓިސް އެޑްވައިޒަރުކަމުގެ މަގާމަށް އައްޔަން ކުރެއްވީ މިނިސްޓަރުންގެ ފެންވަރުގައެވެ. މުހުތާޒުގެ އިތުރުން ރައީސް ގެ އެޑްވައިޒަރުންގެ ގޮތުގައި މިހާރުވެސް 4 ބޭފުޅުން ތިއްބަވައެވެ.
ރައީސް ޔާމީނުގެ ވެރިކަމުގައި އެމަނިކުފާނު ހާއްޔަރުކުރުމަށް ކޯޓު އަމުރެއް ނެރުނު މައްސަލާގައި މުހުތާޒު ވަނީ 17 އަހަރަށް ޖަލަށް ލުމަށް ހުކުމްކޮށްފައެވެ. މުހުތާޒު ޖަލުން ސަލާމަތްވީ 2018 ވަނަ އަހަރު ވެރިކަން ބަދަލުވުމުން، އެ މައްސަަލަ އިސްތިއުނާފު ކުރުމުންނެވެ.
