މީލާދީ އައު އަހަރު ފާހަގަ ކުރުމަށް ބާއްވަން ހަމަޖެއްސި މިއުޒިކު ފެސްޓިވަލާއި ހަވާއެރުވުން ފަސްކޮށްފިއެވެ. ދިވެހިންގެ ރާއްޖެ ފެސްޓިވަލް 2024 ގެ ނަމުގައި ބާއްވަން ހަމަޖެއްސި މިއުޒިކު ފެސްޓިވަލް ފަސްކުރީ މޫސުމާއި ތަން ނުދިނުމާއި ގުޅިގެންނެވެ.
މި ފެސްޓިވަލު އިންތިޒާމުކުރާ މިނިސްޓްރީ އޮފް ޔޫތު އެންޕަވަމަންޓު، އިންފޮމޭޝަން އެންޑު އާޓްސް އިން މިއަދު ކުރި އިއުލާނެއްގައި ބުނީ އެ ފެސްޓިވަލްގައި ބައިވެރިވުމަށް ރާއްޖޭގެ އެކި ކަންކޮޅުތަކުގައި ތިއްބި ރައްޔިތުންގެ ޝައުގުވެރިކަން ހުރި ކަމަށެވެ.
ނަމަވެސް މެޓް އޮފީހުން ރާއްޖޭގެ ގިނަ ސަރަހައްދުތަކުގައި މޫސުން ގޯސްވާނެ ކަމަށް ލަފާކޮށް ޔެލޯ އެލާޓް ނެރެފާވާތީ ދަތުރުފަތުރު ކުރުމުގައި ދިމާވާނެ ދަތިތަކާ ގުޅިގެން އެ ފެސްޓިވަލްގެ ރޭގަނޑު ބޭއްވުމަށް ހަމަޖެހިފައިވާ ހުރިހާ ހަރަކާތްތަކެއް ފަސްކޮށްފައިވާ ކަމަށް މިނިސްޓްރީން ބުންޏެވެ.
ރޭގަނޑު ބާއްވަން ނިންމީ މިޔުޒިކް ޝޯ، ލޭޒާ ޝޯ އާއި ހަވާ އެރުވުން މޫސުން ރަނގަޅުވިހާ އަވަހަށް ބާއްވާނެ ކަމަށާއި އެ ތާރީހު ފަހުން އިއުލާން ކުރާނެ ކަމަށްވެސް މިނިސްޓްރީން ބުނެފައިވެއެވެ.
Galoakuran jeheyfadha faruleh vaajibeh tha e ee boa halaaku.