މުއިއްޒަށް ވެރިކަން ލިބިއްޖެ ނަމަ ހިޔާލަށްވެސް ނުގެނެވޭހާ ބިރުވެރިކަން އެބައޮތް ކަމަށާއި، ރައީސް ސޯލިހަށް ތާއިދުކުރީ އެ ދުވަސް ދެކެން ބޭނުން ނުވާތީ ކަމަށް މާޒް ސަލީމް ވިދާޅުވެއްޖެއެވެ. އުމަރު ނަސީރުގެ ރަނިންމޭޓު ގޮތުގައި ހުންނަވައި އިންތިހާބުގެ ފުރަތަމަ ބުރުގައި 6000 އަށް ވުރެ ގިނަ ވޯޓު ހޯއްދެވި މާޒް ސަލީމް ކިޔާދެއްވީ އެމަނިކުފާނު ހޯމް މިނިސްޓަރު ގެ ނައިބަކަށް ހުރި ދުވަސްވަރު ދިމާވި ކަންކަމުގެ ވާހަކައެވެ. ރައީސް ޔާމީނުގެ ވެރިކަމުގައި ހޯމް މިނިސްޓްރަކަށް ހުންނެވީ މާޒް ސަލީމާއެކު ނިކުތް ރިޔާސީ ކެންޑިޑޭޓު އުމަރު ނަސީރެވެ. އެ ދުވަސްވަރު އެ ދެބޭފުޅުން އަތް ބަނދެލަން ގޭންގުތަކާ މަސްތުވާތަކެތީގެ ވިޔަފާރިކުރާ މިޙުން މަސައްކަތް ކުރިކަމަށާއި އިސްތިއުފާ ދިނުމާ ހަމައަށް އެ މީހުންގެ ޑިމާންޑުތަކަށް ބޯލަނބާފައި ނުވާނެ ކަމަށެވެ. އެ ދުވަސްވަރު މަސްތުވާތަކެތީގައި މައްސަލަތަކުގައި ހައްޔަރުކުރާ މީހުން މުއްދަތު ޖަހަން ގެންދަންވާ ގާޒީ ވެސް ނިންމަނީ ގޭންގުތަކުންކަން މާޒް ސަލީމް ވިދާޅުވިއެވެ. މާޒް ސަިލީމާއި އުމަރު ނަސީރު އިސްތިއުފާ ދެއްވީ ގޭންގުތަކުގެ ޑިމާންޑުތަކަށް ޔާމީނު އިޖާބާދީ، ހޯމް މިނިސްޓަރުގެ ބައެއް މަސައްކަތްތަކާއި ޒިންމާތައް ރައީސް އޮފީހަށް ނެގުމުންނެވެ.
މާޒް ސަލީމް އިތުރަށް ވިދާޅުވި މިހާރު މުއިއްޒު ކެމްޕޭނާއި ގުޅިގެން އުޅޭ ގޭންގު ތަކުން އުފާވަނީ ޖަރީމާތައް ފަހި ގޮތްތަކެއް މުއިއްޒު ވެރިކަމުގައި ވާނެކަމުގައި ފުރިހަމަ ޔަގީންކަން އޮތީމާ ކަމަށާއި މިހާރުއްސުރެ އެމީހުން ބޭނުންވާ ޕޮލިސް ކޮމިޝަނަރެއް، އެމީހުން ބޭނުންވާ ޕްރޮސެކިއުޓަރ ޖެނެރަލެއް އަދި އެމީހުން ބޭނުންވާ ސިފައިންގެ ވެރިއެއް ގެންނަން ސަރުތުކޮށްފައިވާ ކަމަށެވެ. އެކަން އެގޮތަށް ވާނެކަން މުއިއްުޒު ކެމްޕޭނު ރެލީތަކާ އިސްވެ އުޅޭ މީހުންނަށް ބަލާލިމާ އިނގޭނެ ކަމަށްވެސް މާޒް ސަލީމް ވިދާޅުވިއެވެ.
