ތިލަމާލެ ބުރިޖުގެ މަސައްކަތް ހިނގަމުންދާ ސައިޓުގައި ދިމާވާ ބައެއް އެކްސިޑެންޓުތަކުގެ ފޮޓޯ ސޯސަލް މީޑިއާގައި ދައުރުކުރާ މީހުން ދޭން އުޅޭ މެސެޖަކީ ބުރިޖުގެ ފެންވަރަކީ މިއީ ކަމަށެެވެ. ސިޔާސީ ގޮތުންވެސް ސަރުކާރަށް ފާޑުކިޔާ މިހުންނާއި އިދިކޮޅު ޕާޓީތަކުން ސުވާލު އުފައްދަނީ ބުރިޖުގެ ފެންވަރާ މެދުގައެވެ. ހަގީގަތުގައި އެއީ ސިޔާސީ އަމިއްލަ ވާހަކައެއް ކަމަށް ސަރުކާރުން ބުނާ ބުނުމުގެ ޖަވާބަކީ ތިލަމާލެ ބުރިޖުގެ ފެންވަރު ބެލުމާއި މޮނިޓަރިންގެ މަސައްކަތް ކުރަނީ ހުޅުމާލެ ބުރިޖުގެވެސް މަސައްކަތް ކުރި ކުންފުނި އެމްއެސް އަރޫފެވެ. އޭގެ އިތުރުން ޕްލޭނިން މިނިސްޓްރީގެ ޓީމެއްވެސް އެކަމުގައި ހަރަކާތްތެރިވެއެވެ.
އެފްކޮން ކުންފުނިން ބުރިޖުގައި ކުރާ ހުރިހާ މަސައްކަތުގެ ކޮލިޓީ އެ ކުންފުނިން ބަލައެވެ. ބުރިޖުގައި ބޭނުންކުރާ ހުރިހާ ކޮންކްރީޓެއްގެ ކޮލިޓީ އާއި ސެގްމެންޓުތަކުގެ ކޮލިޓީ އާއި ޕައިލިން މަސައްކަތުގެ ސްޓޭންޑާޑްތައް ބަލަ އެވެ. މި ޕްރޮޖެކްޓްގައި އަރޫފްގެ ފަންސާހަކަށް މުވައްޒަފުން ކޮލިޓީ ބެލެހެއްޓުމުގައި އުޅެ އެވެ. ހުރިހާ މަސައްކަތެއް ވެސް ކުރިއަށް ގެންދަނީ އަރޫފްގެ އެޕްރޫވަލް ލިބުމުންނެވެ. އެހެން ކަމުން ކޮލިޓީއާ ދޭތެރޭ ސިޔާސީ ފަރާތްތަކުން ދައްކާ ވާހަކައިގެ ހަގީގަތް ބެލުމަށް އެފްކޮން އާއި ސަރުކާރުން އެދެއެވެ.
އިންޑަސްޓްރިއަލް މަސައްކަތް ހިނގަމުންދާ ތަންތަނުގައި އެކްސިޑެންޓުތައް ހިނގައެވެ. 2400 އަށްވުރެ ގިނަ މުއައްޒަފުން ރެއާއި ދުވާލު މަސައްކަތްކުރަމުންދާއިރު ހާއްސަކޮށް ކަނޑުގެ ގަދަ އޮޔާއި، ފަރުމައްޗަށް ބިންދާލާ ރާޅުތަކުގެ ތެރޭގައި މަސައްކަތްކުރާއިރު އެކްސިޑެންޓުތައް ހިނގުމަކީ ހައިރާންވާން ޖެހޭ ކަމެއް ނޫން ކަމަށް މި ދާއިރާގެ ތަޖުރިބާކާރުންވެސް ވިދާޅުވެއެވެ.
ކޮވިޑްގެ ދަތި އުނދަގޫ ފުރަ ބަންދާއި، މޫސުމީ ގޮންޖެހުންތަކާ އެކުވެސް 3 ބުރިޖު ގެ މަސައްކަތް އެއްފަހަރާ ނިންމޭނެ ކަމުގެ ޔަގީންކަން އެފްކޮންއިން ދެއެވެ. އެއީ ހުޅުމާލެ ބުރިޖުވެސް ނިންމަން ކަނޑައެޅި މުއްދަތާ އެއްވަރުގެ މުއްދަތެކެވެ.
