ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ގެ ވަޒީރުންނަށް ރުހުން ދިނުމަށް ރައްޔިތުންގެ މަޖުލީޖަށް ހުށައެޅުމުން، ރުހުން ނުލިބުނު ދެ މިނިސްޓަރުންނާއި ބަންޑާރަ ނައިބަށް ކުރިން ތިއްބެވި މަގާމު އަނެއްކާވެސް ދެއްވައިފިއެވެ.
މިނިސްޓަރ އޮފް އިސްލާމިކް އެފެއާޒް ކަމުގެ މަގާމަށް ޢައްޔަންކުރެއްވީ ޑޮކްޓަރ މުޙައްމަދު ޝަހީމް ޢަލީ ސަޢީދެވެ. މިނިސްޓަރ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓްކަމުގެ މަގާމަށް ޢައްޔަންކުރެއްވީ ޑޮކްޓަރ ޢަލީ ޙައިދަރު އަޙްމަދެވެ. އަދި އެޓަރނީ ޖެނެރަލްގެ މަގާމަށް ޢައްޔަންކުރެއްވީ އަލްއުސްތާޛު އަޙްމަދު އުޝާމެވެ.
މި ބޭފުޅުން މަގާމުގެ ހުވާ ކުރެއްވީ ސްޕްރީމު ކޯޓުގެ ފަނޑިޔާރު އަލްއުސްތާޒު ހުސްނު ސުއޫދުގެ ކުރިފުޅުމަތީގައެވެ.
ވަޒީރުންނާއި އެޓާނީ ޖެނެރަލުގެ މަގާމަށް އައްޔަން ކުރެއްވި ބޭފުޅުންގެ ރުހުން ހޯދުމަށް 7 ދުވަސް ތެރޭގައި ރައްޔިތުންގެ މަޖުލީޖަށް ފޮނުވަން ޖެހެއެވެ.
