ރައްޔިތުންގެ މަޖުލީހުގެ އައު ދައުރަށް ހޮވުނު މެމްބަރުންގެ ގާނޫނީ ހުވާ ކުރައްވައިފިއެވެ.
މި އަހަރު އެޕްރިލް 21 ގައި ބޭއްވި ރައްޔިތުންގެ މަޖުލީހަށް 93 މެމްބަރުން ވަނީ އިންތިހާބުވެފައެވެ.
މިއަދު ހެނދުނު 9:00 ގައި ރައްޔިތުންގެ މަޖިލީހުގެ އިދާރާގައި ބޭއްވި ރަސްމިއްޔާތުގައި އަލަށް އިންތިޚާބުވެވަޑައިގެން 93 މެންބަރުން ވެސް ވަނީ ޖަލްސާއަށް ހާޒިރުވެ، ހުވާކުރައްވައިފައެވެ. މެންބަރުން ހުވާކުރެއްވީ އުއްތަމަފަނޑިޔާރު އަހުމަދު މުއުތަސިމް އަދުނާންގެ ކުރިފުޅުމަތީގައެވެ.
އައު މަޖިލީހުގެ ފުރަތަމަ ޖަލްސާ ބާއްވަން ތާވަލުކޮށްފައިވަނީ މިއަދު ހެނދުނު 10:15 ގައެވެ. އެ ޖަލްސާގައި އޮންނާނީ ރައްޔިތުންގެ މަޖިލީހުގެ ރައީސާއި ނައިބު ރައީސް އިންތިޚާބުކުރަން ސިއްރު ވޯޓު ނެގުމެވެ.
