ރޯޑު ޑިވެލޮޕްމެންޓު ކޯޕަރޭޝަން (އާރުޑީސީ) ގެ ޗެއަމަން ގެ މަގާމުން މުހައްމަދު ޝާމީ އާދަމް ވަކިކޮށްފިއެވެ.
ޕްރިވެޓޭޝަން ބޯޑުން ސޯސަލް މީޑިއާގައި ބުނެފައިވަނީ އާރުޑީސީގެ ޗެއަމަންގެ މަގާމުންނާއި އަދި ބޯޑު މެމްބަރުކަމުން މުހައްމަދު ޝާމީ އާދަމް ވަކިކޮށްފައިވާ ކަމަށެވެ. ޝާމީ މަގާމުން ވަކިކޮށްފައިވަނީ 27 އެޕްރީލް 2025 ފެށިގެން ކަމަށްވެސް ޕީބީސީން ބުނެފައިވެއެވެ. ނަމަވެސް ކުއްލިގޮަތަކަށް ވަކި ކުރަން ޖެހުނު ސަބަބެއް މިހާތަނަށް ޕީބީސީންވެސް އަދި ސަރުކާރުންވެސް ހާމަކޮށްފައި ނުވެއެވެ.
އާރުޑީސީގެ ސޯސަލް މީޑިއާ އެކައުންޓުންވެސް ވަނީ ޗެއަމަން މަގާމުގައި މުހައްމަދު ޝާމީ އާދަމް ކޮށްދެއްވި ހިދުމަތަށް ޝުކުރު އަދާކޮށްފައެވެ.
އާރުޑީސީގެ ޗެއަމަން އަދި ބޯޑު މެމްބަރު ކަމަށް ޝާމީ އައްޔަންކޮށްފައިވަނީ 2024 ގެ ޖަނަވަރީ މަހުގައެވެ.
