ބެންކު އޮފް މޯލްޑިވްސް (ބީއެމްއެލް) ގެ ބޯޑުން އިސްތިއުފާ ދެއްވައިފިއެވެ.
ބެންކު އޮފް މޯލްޑިވްސް ގައި 42 އަހަރަށްވުރެ ގިނަ ދުވަހު ހިދުމަތް ކުރަމުންދާ އައިޝަތު ނޫރައްދީން ބީއެމްއެލް ބޯޑުން އިސްތިއުފާ ދެއްވީ މިދިޔަ އާދިއްތަ ދުވަހުއެވެ.
ބޭންކު އޮފް މޯލްޑިވްސްއިން މިއަދު ނެރުނު ކުރު ބަޔާނެއްގައި އެކަން ކަށަވަރުކޮށްދެމުން ބުނެފައިވަނީ އައިޝަތު ނޫރައްދީނުގެ ހިދުމަތަށް ޝުކުރު އަދާކުރައްވާފައެވެ،
ސަރުކާރުން ވަނީ ޕީބީސީ މެދުވެރިކޮށް އައިޝަތު ނޫރައްދީން ވަކި ކުރުމަށް މަސައްކަތްކޮށްފައެވެ. އައިޝަތު ނޫރައްދީން ބޯޑު މެންބަރުކަމުން ވަކިކޮށްފައިވާ ކަމަށް ޕީސީބީން އޭނާއަށް ސިޓީ ފޮނުވީ މިދިޔަ ބުރާސްފަތި ދުވަހުއެވެ. ނަމަވެސް، ބޭންކްގެ އަސާސީ ގަވާއިދު ބުނާގޮތުން އެގޮތަށް ޕީސީބީއަށް ބޭންކުގެ ބޯޑު މެންބަރަކު ވަކި ނުކުރެވޭނެ ކަމަށް ބައެއް ގާނޫނީ ބޭފުޅުން ދިޔައީ ބުނަމުންނެވެ.
މީގެ ކުރިން މީޑިއާއަށް ދެއްވާފައިވާ އިންޓަވިއު ތަކުގައި އައިޝަތު ނޫރައްދީން ވިދާޅުވެފައިވަނީ އެއްވެސް ފަރާތެއްގެ ނުފޫޒަށް އެކަމަނާ ބޯނުލަނބާނެ ކަމަށާއި ބެންކިން ނިޒާމުގެ ގާނޫނާިއ ގަވައިދު އަދި އެކަމުގައި އޮންނަ އެންމެ ރަނގަޅު އުސޫލުތައް ހިފެހެއްޓުމަށް މަސައްކަތް ކުރާނެ ކަމަށެވެ.
ބެންކު އޮފް މޯލްޑިވްސްއިން މި ދޭތެރެއިން އެޅި ބައެއް ފިޔަވަޅުތަކަށް ފާޑުކިޔުން އަމާޒުވެ، ރައީސުލް ޖުމްހޫރިއްޔާ ޑރ.މުހައްމަދު މުއިއްޒާއި ކެބިނެޓުގެ ވަޒީރުން ހިމެނޭހެން ބެންކަށް އަންނަނީ ފާޑުކިޔަމުންނެވެ. މިގޮތުން އެ ކަންކަމަކީ ބަގާވާތެއް ކަަމަށްވެސް ސިފަކޮށްފައިވެއެެވ.
