ބަކަރި ގެންގުޅޭ މީހުންނަކީ ވަރަށް ދަށުދަރަޖައިގެ އިލްމެއް ހިލްމެއް ނެތް ބައެއްކަމަށް ބުނެ ވާހަކަ ދެއްކުމުން ޑރ. ޝަހީމަށް ގިނަ ބައެއްގެ ފާޑު ކިއުން އަމާޒު ވެއްޖެއެވެ. ޕީއެންސީގެ ރިޔާސީ ކެންޑިޑޭޓް ޑރ. މުއިއްޒަށް ތާއިދުކުރުމުގެ ގޮތުން ފޯއްމުލަކުގައި އިއްޔެ ބޭއްވި ޖަލްސާގައި ޝަހީމު ވިދާޅުވެފައިވަނީ އިލްމުވެރިން މި ތިބީ މި ކޮޅުގައި (ޑރ. މުއިއްޒުގެ ފަޅީގައި) ކަމަށާއި އެހެންވީމާ ބަކަރި ހުއިހައްޕާ މީހުންނާ ގައުމު ހިންގަން ހަވާލުކުރާކަށް ނުޖެހޭ ކަމަށެވެ.
ޝަހީމުގެ މި ވާހަކަ ކުށްވެރި ކުރަމުން ސޯސަލްމީޑިއާގައި ފޯއްމުލަކު ރައްޔިތަކު ބުނެފައިވަނީ، ވާދަވެރި ކެންޑިޑޭޓުން ދަށްކޮލުމުގެ ނިޔަތުގައި ޝަހީމު އެހެން ބުނުމުން، ދީނާއި ގައުމަށްޓަކައި ކަމަށް ބުނެ ޖަލްސާއަށް އެއްވެފައި ތިބި މީހުން އަތްޖަހާ ހެދުމުން ލަދުވެތިވާ ކަމަށާއި ފޯއްމުލަކު ރައްޔިތުންނަކީ ހޭލުންތެރި ބައެއް ދިރިއުޅޭ ރަށެއް ކަމަށް މަޝްހޫރުވެފައިވާ ރަށެއްގައި އެ ވަރުގެ މަލާމާތަށް އަތްޖަހާ ހިތްވަރުދޭކަށް ނުޖެހޭނެ ކަމަށެވެ.
އިބްރާހިމް އަލީ ކިޔާ ބޭފުޅަކު ވިދާޅުވެފައިވަނީ ދީނީ އިލްމު އުނގެނިގެން ތިއްބެވި ބޭފުޅުން މިހާ ދަށު ދަރަޖައަކަށް ވެއްޓުމުން ހިތާމަކުރާ ކަމަށާއި ރަސޫލުންވެސް ބަކަރި ހުއިހހެއްޕެވުމުގެ މަސައްކަތް ކުރިކަމަށް އެބޭފުޅާ ކިޔެވި ފޮތްތަކުގައި ހުންނަ ކަމަށެވެ. އިބްރާހިމް އަލީގެ ޓްވީޓަށް ޖަވާބު ދެއްވަމުން މަޝްހޫރު ދީނީ އިލްމުވެރިޔާ ޑރ. އިޔާޒު ވިދާޅުވެފައިވަނީ ބަކަރި ހުއިހެއްޕެވުމުގެ މަސައްކަތް ނުކުރާ އެއްވެސް ނަބީބޭކަލެއް ނުވާ ކަމަށާއި އޭގެ ހިކުމަތަކީ ކެތްތެރިކަން ދަސްކޮށްދެއްވުން ކަމަށެވެ. ވީމާ ކިތަންމެ އިލްމީ މީހަކުވެސް ކެތްތެރިކަން ނެތް ނަމަ ލީޑަރަކަށްވާން އެކަށީގެން ނުވާކަމަށެވެ.
ސޯސަލް މީޑިޔާގައި ޝަހީމަށް ފާޑުކިއަމުން ބައެއް މީހުން ބުނެފައިވަނީ މިއީ ޝަހީމު ބުނުމުން ކުށަކަށް މަލާމާތަކަށް ނުވެފައި އެހެން ޕާޓީއެއްގެ މީހަކު ބުނި އެއްޗެއް ނަމަ ވަރަށް ބޮޑު ކަމަކަށް ހަދާނެ ކަމަށެވެ. ހާއްސަކޮށް މުއިއްޒަށް ތާއިދު ކުރާ ސަލަފު ޖަމުއިއްޔާއިންވެސް ކުށްވެރިކުރާނެ ކަމަށާއި ނަމަވެސް އާދަކާދައިގެމަތިން ޕީޕީއެމް އިވެންޓުތަކުގައި ދީނާ ހިލާފު ކިތަންމެ އެއްޗެއް ބުންޏަސް އެކަމާ އެ މީހުން ހިޔާރު ކުރާނީ ހަނު ހުރުން ކަމަށެވެ.
ބަކަރި ގެންގުޅުމަކީ ވަރަށް ކެތްތެރި ކަމާ އެކު ނޫނީ ނުކުރެވޭ ބުރަ މަސައްކަތެކެވެ. ކުރީގެ އިސްލާމިކް މިނިސްޓަރ އަދި ރައީސް ޔާމީނުގެ ރަނިން މޭޓުކަން ކުރި މުހައްމަދު ޝަހީމު އިދިކޮޅު ވާދަވެރި ކެންޑިޑޭޓުންނަކީ ބަކަރި ހުއިހައްޕާ މީހުން ކަމަށް ބުނެ މަލާމަތް ކުރުމުން، އާއްމުން އެކަމަށް ފާޑުކިއުމުން ޑރ.މުއިއްޒު އަދި ޝަހީމުވެސް އެކަމާ ބެހޭގޮތުން މާފަށް އެދި މިހާތަނަށް ވާހަކަދައްކާފައިނުވެއެވެ.
ސަހީމޫ ކަލޭ ބޮޑުތަނުން ފެއިލް ވެއްޖެ މުއިއްޒު އަކީކާކުވެރިކަމައް ގެންނަން