ރާއްޖޭގެ އެންމެ ބޮޑު އެއް ސިޔާސީ ޕާޓީ އަދި އެންމެ ދުވަސްވީ ޕާޓީ އެމްޑީޕީގެ ޕާލިމެންޓު ގުރޫޕުގެ ލީޑަރަކަށް ހިތަދޫ ދެކުނު ދާއިރާގެ އިންތިހާބީ މެމްބަރު އިބްރާހިމް ނާޒިލު އައްޔަން ކޮށްފިއެވެ. އެ ޕާޓީގެ ޕާލިމެންޓްރީ ގުރޫޕުގެ މަގާމު ތަކަށް އިއުލާންކޮށް މެމްބަރުން އައްޔަން ކޮށްފައިވަނީކުރިމަތިލީ މެމްބަރުންގެ މެދުގައި ވޯޓެއް ނަގައިގެންނެވެ. މި ގޮތުން އެމްޑީޕީގެ ޕާލިމެންޓު ގުރޫޕުގެ ޑެޕިއުޓީ ލީދަރުންނަށް ހޮވިފައިވަނީ ވައިކަރަދޫ ދާއިރާގެ އިންތިހާބީ މެމްބަރު ހުސެއިން ޒިޔާދު (ފިއްޓޭ) އާއި މަރަދޫ ދާއިރާގެ އިންތިހާބީ މެމްބަރު އަހުމަދު ދީދީއެވެ.
މި ދައުރުގައި އެންމެ ބޮޑު އިދިކޮޅު ޕާޓީގެ ދައުރު އަދާކުރާ އެމްޑީޕީގެ ޕާލިމެންޓު ގުރޫޕުގެ މަގާމުތަކަށް ހޮވިފައިވަނީ:
-ޕީޖީ ލީޑަރު – ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް
-ޑެޕިއުޓީ ޕީޖީ ލީޑަރު – ވައިކަރަދޫ ދާއިރާގެ މެންބަރު ޙުސައިން ޒިޔާދު
-ޑެޕިއުޓީ ޕީޖީ ލީޑަރު – މަރަދޫ ދާއިރާގެ މެންބަރު އަޙްމަދު ދީދީ
-ސެކްރެޓަރީ ޖެނެރަލް – ގަލޮޅު އުތުރު ދާއިރާގެ މެންބަރު މުޙައްމަދު އިބްރާހިމް
-ޑެޕިއުޓީ ސެކްރެޓަރީ ޖެނެރަލް – މާވަށު ދާއިރާގެ މެންބަރު އަޙްމަދު ޝާކިރު
-ޗީފް ވިޕް – ތޮއްޑޫ ދާއިރާގެ މެންބަރު ހުސައިން ސަމީރު
-ވިޕް – ކަނޑިތީމު ދާއިރާގެ މެންބަރު އަމީން ފައިސަލް
-ވިޕް – ކެޔޮދޫ ދާއިރާގެ މެންބަރު މުޙައްމަދު ނިއުޝާދު
20 ވަނަ ރައްޔިތުންގެ މަޖުލީހުގެ މެމްބަރުން ހުވާ ކުރުން އޮންނާނީ މާދަމާއެވެ،
