20ވަނަ ރައްޔިތުންގެ މަޖިލީހުގެ މުހިއްމު ކޮމޓީތަކުގެ މުގައްރިރުންނަށް އައްޔަން ކުރުމަށް ފެންނަ މެމްބަރުން ޕީއެންސީގެ ޕާލިމެންޓު ގުރޫޕުން ނިންމައިފިއެވެ.
މާދަމާ ހުވާ ކުރާ ރައްޔިތުން މަޖުލީހުގެ ސުޕަ މެޖޯރިޓީ އޮތް ސަރުކާރު ހިންގާ ޕާޓީ ޕީއެންސީގެ ޕީޖީ ގުރޫޕުން ނިންމާފައިވަނި މާލިއްޔަތު ކޮމިޓީގެ މުގައްރިރުކަން ޖުމްހޫރީ ޕާޓީގެ ލީޑަރު ގާސިމް އިބްރާހީމަށް ދިނުމަށެވެ. މާމިގިލި ދާއިރާއަށް މި ފަހަރުވެސް އިންތިހާބުވީ ގާސިމް އިބްރާހިމް މީގެ ކުރިންވެސް މާލިއްޔަތު ކޮމެޓީ އަދި ބަޖެޓު ކޮމެޓީ ގެ މުގައްރިރުކަަން ކުރައްވާފައިވެއެވެ.
މީގެ އިތުރުން ރައްޔިތުންގެ މަޖުލީހުގެ 241 ކޮމިޓީގެ މުގައްރިރަކަށް އޭދަފުށީ ދާއިރާގެ މެމްބަރު އަހުމަދު ސަލީމް އައްޔަން ކުރަން ނިންމާފައިވާއިރު، ސަރުކާރު ހިއްސާވާ ކުންފުނިތަކާ ބެހޭ ކޮމިޓީގެ މުގައްރިރަކަށް ބާރަށު ދާއިރާގެ އިންތިހާބީ މެންބަރު އިބްރާހިމް ޝުޖާއު ހަމަޖައްސަން ވަނީ ނިންމާފައެވެ. އަދި ޖުޑީޝަރީ ކޮމިޓީގެ މުގައްރިރަކަށް މަނަދޫ ދާއިރާގެ އިންތިޚާބީ މެމްބަރު ހުސްނީ މުބާރަކް ވެސް ހަމަޖައްސަން ވެސް ވަނީ ނިންމައިފައެވެ.
ވިހިވަނަ ރައްޔިތުންގެ މަޖިލީހުގެ މެމްބަރުން ހުވައިކުރުމުގެ ޖަލްސާ ބާއްވަން ހަމަޖެހިފައި ވަނީ މާދަމާއެވެ. މި ޖަލްސާގެ ރިޔާސަތު ބަލަހައްޓަވާނީ މީދޫ ދާއިރާގެ އިންތިޚާބީ މެމްބަރު އަޙްމަދު ސިޔާމް މުޙައްމަދެވެ.
