-ވެރިކަން ކުރާ ޕީއެންސީ ކޯލިޝަނުން ރައްޔިތުންގެ މަޖުލީހަށް ވާދަކުރާ ދާއިރާ ތަކަށް މެމްބަރުން ހޮވުމަށް ބާއްވާ ޕްރައިމަރީ މިއަދު ހެނދުނު 10 ޖަހާއިރު ފެށިގެން ކުރިއަށް ދާއިރު ވޯޓުލުން ބަންދުވާނީ ހަވީރު 05:00 ގައި
-އިންތިހާބުގައި 71597 މެމްބަރުންނަށް ވޯޓު ދިނުމުގެ ހައްގު ލިބިފައިވެއެވެ.
-ވޯޓުލުން ހަމަޖެހިފައިވަނީ 73 ދާއިރާއަކަށް، މި ދާއިރާތަކަށް 283 ކެންޑިޑޭޓުން ވާދަކުރޭ، މީގެ ތެރޭގައި ކުރިން ކެންސަލު ކުރި ކެންޑިޑޭޓުންނަށްވެސް އަލުން ވާދަކުރެވޭނެ ކަމަށްވަނީ ނިންމާފައި.
-ޕްރައިމަރީއާއި ނުލައި މަޖުލީހުގެ ޓިކެޓު ކަށަވަރުވެފައިވަނީ: ހޯރަފުށި ދާއިރާ، ބާރަށު ދާއިރާ، ހަނިމާދޫ ދާއިރާ، އޭދަފުށި ދާއިރާ، މަހިބަދޫ ދާއިރާ، ނިލަންދޫ ދާއިރާ، ތިމަރަފުށި ދާއިރާ، ފޮނަދޫ ދާއިރާ، ހިތަދޫ މެދުދާއިރާ، ހުޅުދޫ ދާއިރާ، ގަލޮޅު ދެކުނު ދާއިރާ، ހެންވޭރު ހުޅަނގު ދާއިރާ، ހުޅުމާލެ މެދު ދާއިރާ އެވެ.
-އެމްޑީއޭގެ ލީޑަރު ސަންސިޔާމު ވާދަކުރާ މީދޫ ދާއިރާ، ޖޭޕީގެ ލީޑަރު ގާސިމް އިބްރާހިމް ވާދަކުރާ މާމިނގިލި ދާއިރާ އަދި އެމްއެންޕީގެ ރައީސް ނާޒިމު ވާދަކުރާ މާފަންނު އުތުރު ދާއިރާގެ ޕްރައިމަރީއެއް ނެތް، އެ ދާއިރާތައްވަނީ ޕީއެންސީން ދޫކޮށްލާފައި
