މަކަރާއި ހީލަތުގެ މައްސަލައިގައި ފުލުހުން ތަހުގީގު ކުރަމުންދާ މައްސަލައިގައި އިތުރު ބަޔަކުން އަތުން ފައިސާތަކެއް ނަގައިފައިވޭތޯ ބެލުމަށް ފުލުހުން ބަޔާނެއް ނެރެފިއެވެ.
ފުލުހުންގެ މައުލޫމާތުދޭ ގޮތުގައި މޯލްޑިވްސް ޕޮލިސް ސަރވިސްގެ އިކޮނޮމިކް ކްރައިމް ޑިޕާޓްމަންޓުން ތަހުގީގު ކުރަމުންދާ، ގ. ސިނަމާލެ 01 05-13 ޒައިދާން މުޙައްމަދު ހާޝިމް މަކަރާއި ހީލަތުން އޮޅުވާލައިގެން ގިނަ އަދަދަކަށް ފައިސާ ނަގާފައިވާކަމަށް ތުހުމަތުކުރެވޭ މައްސަލައާ ގުޅިގެން އިތުރު މީހުންގެ އަތުން ފައިސާ ނަގާފައިވޭތޯ ބެލުމަށް ބޭނުންވެއެވެ.
ފުލުހުން އިލްތިމާސް ކުރަނީ، ގ. ސިނަމާލެ 01 05-13 ޒައިދާން މުޙައްމަދު ހާޝިމް މަކަރާއި ހީލަތުން އޮޅުވާލައިގެން އެއްވެސް މީހެއްގެ އަތުން ފައިސާ ނަގާފައިވާނަމަ އެ މައުލޫމާތު ފުލުހުންގެ އިކޮނޮމިކް ކްރައިމް ޑިޕާޓްމަންޓުގެ ނަންބަރު 9790048 އަށް މައުލޫމާތު ހިއްސާ ކުރުމަށެވެ.
