މޫސުމާއި ބެހޭ ގައުމީ އިދާރާއިން ރާއްޖޭގެ ބޮޑު ބަޔަކަށް ހުދު ސަމާލު ނެރެފިއެވެ.
އެ އިދާރާއިން މިއަދު ހުދު ސަމާލު ނެރުނީ ހއ އިން ފެށިގެން ގއ އަތޮޅާއި ދެމެދުގެ ހުރިހާ އަތޮޅެއް ހިމެނޭ ގޮތަށެވެ. މެޓު އޮފީހުން ނެރުނު ހުދު ސަމާލުގައި ބުނެފައިވަނީ މިއަދުގެ ބޮޑު ބައެއްގައި މި ހިސާބު ތަކަށް ވާރޭ ވެހި މޫސުން ގޯސްވާނެ ކަމަށެވެ. މި ގޮތުން ބޯކޮށް ވާރެވެހި ގުގުރުމާއި ގަޑިއަކު 19 މޭލާއި 24 މޭލާ ދެމެދުގައި ވައި ޖެހޭނެއެވެ. މީގެ އިތުރުން ވިލާގަނޑުގައި 40 މޭލަށް ވައި ގަދަވެ، ކަނޑުތައްވެސް ގަދަ ވާނެ ކަމަށް މެޓު އޮފިހުން ނެރެފައިވާ ހުދު ސަމާލުގައި ބުނެފައިވެއެވެ. ކަނޑުގައި ރާޅުގެ އުސްމިން ހުންނާނެ ކަމަށް މެޓު އޮފިޙުން ލަފާ ކުރަނީ 4- 7 ފޫޓާއި ދެމެދުގައެވެ. އެހެން ކަމުން ކަނޑު ދަތުރުފަތުރު ކުރާ ފަރާތްތަކުން މޫސުމަށް ބަލައިގެން ދަތުރު ކުރުމަށް ކަމާ ބެހޭ އިދާރާތަކުން ވަނީ އިލްތިމާސް ކޮށްފައެވެ.
