އުތުރު އަތޮޅުތަކުގެ ތަރައްގީއަށް ސަރުކާރުން ރާވާފައިވާ މަޝްރޫއުތަކުގެ ތެރެއިން ކަސްޓަމްސްގެ ހިދުމަތް ފުޅާ ކުރުމުގެ ގޮތުން ނ.މާފަރުގައި އިމާރާތް ކުރުމަށް ހަމަޖެހިފައިވާ ކަސްޓަމްސް އޮފީސް އިމާރާތުގެ ބިންގާ މިއަދު އަޅައިފިއެވެ.
މާފާރު ކަސްޓަމްސް އޮފީހުގެ ބިންގާ އަޅައިދެއްވީ ކޮމިޝަނަރ ޖެނެރަލް އޮފް ކަސްޓަމްސް އަބްދުﷲ ޝަރީފާއި މަނަދޫ ދާއިރާގެ މެމްބަރު އަހުމަދު ހާރޫން އަދި ޑެޕއިުޓި ކޮމިޝަނަރ އޮފް ކަސްޓަމްސް މަހުމޫދު ރިޔާޒެވެ. މި ރަސްމިއްޔާތުގައި ކަސްޓަމްސްގެ އިސްވެރިންގެ އިތުރުން މާފަރު ކައުންސިލުގެ މެމްބަރުންނާއި މާފަރުގައި ތިއްބަވާ އެމްއެންޑީއެފް އަދި ޕޮލިހުގެ ބޭފުޅުން ބައިވެރިވިއެވެ.
މި ރަސްމިއްޔާތުގައި ކޮމިޝަނަރ ޖެނެރަލް އޮފް ކަސްޓަމްސް އަބްދުﷲ ޝަރީފް ވިދާޅުވީ މ އިމާރާތަކީ ރީޖަނަލް ކަސްޓަމްސްތަކުގެ އުމުރާނީ ތަރައްގީއަށް އިތުރުވެގެންދާ މުހިއްމު ބޮޅެއް ކަމަށާއި ކަސްޓަމްސް އިން ފޯރުކޮށްދޭން ޖެހޭ ހިދުމަތްތައް ފޯރުކޮށްދިނުމަށް މި އޮފީސް ވެގެންދާނީ މި ރީޖަނުގެ މުހިއްމު އެއް ބިނާއަކަށް ކަން ފާހަގަކުރެއްވިއެވެ. މި އިމާރާތުގެ މަސައްކަތް ނިމި ބޭނުން ކުރަން ފެށުމުން އުތުރުގެ އަތޮޅުތަކުގެ ވިޔަފާރިންނަށްވެސް އިތުރު ފަސޭހަތަކެއް ލިބިގެންދާނެއެވެ.
6557 އަކަފޫޓުގެ މި އިމާރާތުގައި އޮފީހެއްގެ އިތުރުން އެކަމޮޑޭޝަން ބުލޮކެއްވެސް ހިމެނެއެވެ. 540 ދުވަހުން ނިންމަން ޖެހަޭ މި މަސައްކަތް ހަވާލުކޮށްފައިވަނީ ފިއުޗަރ ހޯމްސް ޕްރައިވެޓް ލިމިޓެދާއެވެ. މި ޕްރޮޖެކްޓުގެ އަގަކީ 8.66 މިލިއަން ރުފިޔާއެވެ.
