ހުޅުމާލެ ފޭސް2 ގައި އަލިފާނުގެ ހާދިސާއެއް ހިނގައި އެ ސަރަހައްދުގައި އެމްއެންޑީއެފް ގެ ފަޔަރ އެންޑު ރެސްކިއު ޓީމުން ހަރަކާތްތެރިވަމުން އެބަދެއެވެ.
އެމްއެންޑީއެފުން މައުލޫމާތުދޭ ގޮތުގައި މި ހާދިސާ ހިނގާފައިވަނީ ހުޅުމާލެ ފޭސް 2 ގެ ފަރުކޮޅުފުށި ސަރަހައްދުގައި ހުރި ކުނިތަކެއްގައެވެ. މިހާރުވެސް މި ސަރަހައްދުގައި އަލިފާން ނިއްވުމުގެ ކަންތަކުގައި އެމްއެންޑީއެފުން ދަނީ ހަރަކާތްތެރިވަމުންނެވެ. މި ހާދިސާގެ ރިޕޯޓު އެ ފަރާތަށް ލިބުނީ މިއަދު ހަވީރު 5:38 ގައި ކަމަށްވެސް އެމްއެންޑީއެފުން މައުލޫމާތު ދެއެވެ.
މި ހާދިސާގެ އިތުރު ތަފްސީލެއް ނުވަތަ ކިހިނެތް ހިނގަ ކަމެއްކަމެއް އަދި އެފަރާތުން ހާމަކޮށްފައި ނުވެއެވެ. ހުޅުމާލެ ފޭސް2 ގައި މިހާރު ކޮންމެވެސް ވަރަކަށް އާއްމުން ދިރިއުޅެމުންދެއެވެ. އަލިފާނުގެ ހާދިސާ ހިނގި ފަރުކޮޅުފުށި ސަރަހައްދަކީ އެންމެ ފަހުން ކޮވިޑް ބަލިމީހުން ކަރަންޓީނު ފެސިލިޓިއަކަށް ބޭނުން ކުރި ތަނަކެވެ. ނަމަވެސް މިހާރު އެތަނުގެ ބަދަލުގައި ކޮވިޑް ބަލިމީހުން ބަލަހައްޓަމުން ދަނީ ހުޅުމާލޭގައި އަލަށް ހެދި ހޮސްޕިޓަލުގައެވެ.
