ރައީސް ޔާމީނުގެ ވެރިކަމުގައި ހިނގަމުން ދިޔަ ވައްކަމާއި ހިޔާނާތްތައް ފަޅާއަރުވާލި ކުރީގެ އޮޑިޓަރ ޖެނެރަލް ނިޔާޒް އިބްރާހިމަށް މަގުމަތިން ބަޔަކު އިންޒާރުދީފިއެވެ. ނިޔާޒު އިބްރާހިމް މިއަދު ކުރެއްވި އެކްސް މެސެޛެއްގައި ވިދާޅުވީ އެމަނިކުފާނު ބެންކަށް ދަނިކޮށް ޕީޕީއެމްގެ އެކްޓިވިސްޓެއް ވަނީ މަގުމަތިން ދިމާކޮށް، ފުރައްސާރަކޮށް އިންޒާރު ދީފައެވެ. މި ފެންނަނީ ޕީޕިއެމް ގެ އަސްލު ސިފަކަމަށާއި ވެރިކަން ލިބުމުން ވާނެ ގޮތް ’އަންދާޒާ ކޮށްލަށްވާށެވެ.‘
އިންޒާރުދީ ބިރު ދެއްކުމުގައި އިއްޔެ އެމްއެންޑީއެފް ގެ ކޯސްޓުގާޑު ޑޮކްޔާޑަށް ’ވަގަށް ވަންނަން މަސައްކަތް ކުރި‘ ޕީޕީއެމްއާއި ދިޔަރެސް ނޫހުގެ އެކްޓިވިސްޓުން ހިމެނޭ ކަމަށްވެސް ނިޔާޒު އިބްރާހިމް ވިދާޅުވިއެވެ.
ނިޔާޒު އިބްރާހިމް ވަނީ ޕީއެންސީ ޕީޕީއެމް ގެ ރިޔާސީ ކެންޑީޑޭޓް ޑރ. މުއިއްޒާއި ކުރީ ސަރުކާރުން ކޮށްފައިވާ އެތަކެއް ހިޔާނާތާއި ވައްކަމާއި އޭރުގައި ކަންކަން އިސްލާހުކުރަން މަސައްކަތްކުރުމުން ވީގޮތް ވަރަށް ޖެހިލުންކުޑަ ކަމާއެކު ސޯސަލް މީޑިއާގައި ހިއްސާކޮށްފައެވެ. އެމަނިކުފާނު ވިދާޅުވީ އެއްވެސް އިންޒާރަކަށް ޖެހިލުން ނުވާނެ ކަމަށާއި ކުރިއެކޭ އެއްގޮތަށް މިހާރުވެސް ވައްކަމާއި ހިޔާނާތާއި ދެކޮޅަށް ކެރިގެން މަސައްކަތް ކުރައްވާނެ ކަމަށެވެ.
ޑރ. މުއިއްޒު ކެމްޕޭނު ޓީމުންވެސް ވަނީ ނިޔާޒު އިބްރާހިމަށް ތަކުރާރުކޮށް ސޯސަލް މީޑިއާގައި ބަހުގެ ހަމަލާދީ، އެ ވާހަކަތައް ދައްކަނީ ވަކި މަގުސަދެއްގައި ކަމަށްބުނެ ފާޑުކިޔާފައެވެ.
މި މަހު 30 ގާ މުއިއްޒުއަށް ހުރިހާ އެންމެން ނޫނެކޭ ބުނޭ އަދި ރައީސް އިބޫ އަށް ވޯޓް ދެމާ