30 މީހުންނާއެކު މާލެއިން ފުރައިގެން ވެލިދޫއަށް ދަތުރުކުރަމުންދިޔަ ”ލީޖަން 7“ ނަމަކަށްކިޔާ ލޯންޗެއް ބަންޑުން ޖަހާލައިފިއެވެ.
އެމްއެންޑީއެފުން މައުލޫމާތު ދިން ގޮތުގައި ރަންދެލި ރިސޯޓު ކައިރިން ދަތުރުކުރަމުން ދަނިކޮށް ރާޅެއް އަރާ ލޯންޗު ދިޔަވާން ފެށުމުން، ކެޕްޓަން ވަނީ ލޯންޗު ރަންދެލި ފަޅު ތެރެއަށް ވައްދާފައެވެ. އެމްއެންޑީއެފް ނޮދަން އޭރިއާ ކޯސްޓްގާޑް ފަސްޓް ސްކޮޑްރަން އާއި ރަންދެލި ރިސޯޓު މުއައްޒަފުންގެ އެހީތެރިކަމާ އެކު ފަޅުވެރިން ސަލާމަތްކޮށް ރަންދެލި ރިސޯޓަށް އެރުވިތާ އިރުކޮޅެއްގެ ތެރޭގައި ލޯންޗު ވަނީ ބަންޑުން ޖަހާލާފައެވެ.
އެ ލޯންޗުގައި ތިބި އެންމެންގެ ހާލުވެެސް ރަނގަޅު ކަމަށާއި، ރަންދެލި ރިސޯޓާއި އެމްއެންޑީއެފުން މިހާރުވެސް އެހީތެރިކަން ފޯރުކޮށްދެމުންދާ ކަމަށްވެސް އެފަރާތުން މައުލޫމާތު ދެއެވެ.
ލިޖަން ގެ ލޯންޗުތައް ކޮންމެ ދުވަހަކުވެސް ނ. އަތޮޅުގެ ރަށްތަކަށް ޝެޑިއުލް ދަތުރުތައް ކުރެއެވެ.
މި ދުވަސް ވަރަކީ މޫސުން ގޯސްވެ، ރާއްޖޭގެ ބޮޑު ބަޔަކަށް ވަނީ ވައިޓް އެލާޓް ނެރެފައެވެ. މޫސުމާ ބެހޭ އިދާރާއާއި ކޯސްޓުގާޑުންވެސް ވަނީ މޫސުމަށް ބަލާފައި ނޫނީ ކަނޑު ދަތުރު ނުކުރަށް އިލްތިމާސް ކޮށްފައެވެ.
Varah hithaama veri