ސިނަމާލެ ބްރިޖު ކައިރިން ކަނޑުމަތިން އޮޔާ ދަނިކޮށް ފެނުނު މީހާ އޮތީ މަރުވެފައި ކަމަށް ފުލުހުން ބުނެފިއެވެ.
އެ ސަރަހައްދުން ދަތުރު ކުރަމުންދިޔަ ލޯންޗަކަށް ފެނިގެން ރިޕޯޓު ކުރުމުން ފުލުހުންގެ އެހީތެރިކަމާއި އެކު ގެންދިޔައީ އައިޖީއެމްއެޗްއަށެވެ. އެ ހޮސްޕިޓަލަށް ގެންދިޔައިރުވެސް އެމީހާ ވަނީ މަރުވެފައިކަމަށް މައުލޫމާތު ލިބެއެވެ.
ފުލުހުން މެންދުރު ފަހު މީޑިއާތަކަށް ފޮނުވި މެސެޖުގައި ބުނެފައިވަނީ ކަނޑުމަތިން މީހަކު އޮޔާ ދާ ކަމަށް މިއަދު 12:35 ގައި ރިޕޯޓު ކޮށްގެން އެ މީހާ އައިޖީއެމްއެޗް އަށް ގެންގޮސްފައިވާ ކަމަށެވެ. އެއީ ބިދޭސީއެއް ނުވަތަ ދިވެއްސެއްކަމެއް މިހާތަނަށް ހާމަކޮށްފައި ނުވެއެވެ.
