އެންމެ ޕާފޯމެންސް ދަށް ކައުންސިލު ތަކަކީ، ނ.މާފަރު، ނ.ފޮއްދޫ އަދި ދިއްގަރު ކައުންސިލު

2022 ވަނަ އަހަރު ރަށްރަށުގެ ކައުންސިލުތަކުގެ ފާމޯންސް ރޭންކުގެ އެންމެ ފުލަށް ނ.މާފާރު، ނ.ފޮއްދޫ އަދި ދިއްގަރު ކައުންސިލު ހިމެނިއްޖެއެވެ.

އެންމެ ދަށްކޮށް ޕާފޮމެންސްކޮށް، ފުލަށްދިޔަ މ.ދިއްގަރު ކައުންސިލަށް ލިބިފައިވަނީ 0.0279 ޕޮއިންޓެވެ. މިއީ 179 ވަނައެވެ. ފުލުން ދެވަނަގައިވާ ނ.ފޮއްދޫ ކައުންސިލަށް ލިބިފައިވަނީ 0.0315 އެވެ. އިންޓަރނޭޝަލް އެއަރޕޯޓަކާއެކު އިގްތިސާދީ އެތައް މަސައްކަތްތަކެއް ހިނގަމުންދާ ނ.މާފަރު ކައުންސިލު ފަހަތުން 3 ވަނަ ލިބެނީ 0.0489 މާކްސްއާއި އެކުގައެވެ.

މީގެ އިތުރުން އެންމެ ފުލުގައި ހިމެނޭ ކައުންސިލުތަކުގެ ތެރޭގައި ނ.މިލަދޫ ކައުންސިލު، ހދ.ކުމުންދޫ ކައުންސިލު، އދ.އޮމަދޫ ކައުންސިލު، ރ.މީދޫ ކައުންސިލު، އދ.މާމނގިލި ކައުންސިލު، ގއ.މާމެންދޫ ކައުންސިލު، އއ.ތޮއްޑޫ ކައުންސިލު، ހދ.ނޭކުރެންދޫ ކައުންސިލު، ދ.މާއެނބޫދޫ ކައުންސިލު، ގއ.ގެމަނަފުށީ ކައުންސިލު އަދި އެންމެ ފަހުން އެއަރޕޯޓު ހުޅުވީ ގދ.ފަރެސްމާތޮޑާ ކައުންސިލާއި ވ.ފުލިދޫ، ގއ.ކޮނޑޭ، ތ.ވޭމަންޑޫ، ގދ.ވާދޫ ކައުންސިލު ހިމެނެއެވެ.

އާއްމު ގޮތެއްަގައި ރަށެއްގައި 5 ނުވަތަ 7 ކައުންސިލުން ތިބޭއިރު ކައުންސިލަރުންގެ މުސާރަވެސް ވަނީ މި ފަހުން ބޮޑުކޮށްފައެވެ. އަދި މި އަހަރުގެ ބަޖެޓުގައިވެސް ކައުންސިލަރުންގެ މުސާރަ ބޮޑުކުރަން ވަނީ ހިމަނާފައެވެ.