ކ. ފިހާޅޮހި އައިލެންޑު ރިސޯޓުން ސްނޯކްލިންއަށް ދިޔަ ފަތުރުވެރިޔަކު ގެނބިގެން މަރުވެއްޖެއެވެ.
ފުލުހުން މައުލޫމާތުދޭ ގޮތުގައި ފަތުރުވެރިޔާ ގެނބިގެން އޭޑީކޭ ހޮސްޕިޓަލަށް ގެންނަ ކަމަށް ރިޕޯޓް ލިބުނީ މިއަދު 11:30 އެހާކަންހާއިރު ކަމަށެވެ.
ނަމަވެސް އޭޑީކޭ ހޮސްޕިޓަލަށް ގެންދިޔައިރުވެސް އެ މީހާ މަރުވެފައިވާ ކަމަށް ހޮސްޕިޓަލާ ހަވާލާދީ ފުލުހުން ބުންޏެވެ.
މި ދުވަސްވަރު ރާއްޖޭގެ ބޮޑު ބަޔަކަށް ވިއްސާރަވެ ކަނޑުތައް ގަދަވުމުން ރައްކާތެރި ކަމިގެ ފިޔަވަޅުތައް އެޅުމަށް ކަމާބެހޭ އިދާރާތަކުން އަންނަނީ އިލްތިމާސް ކުރަމުންނެވެ.
އިއްޔެވެސް ރިސޯޓެއްގައި ގެނބެމުންދިޔަ ފަތުރުވެރިޔަކު ސަލާމަތް ކުރަން މަސައްކަތްކުރި ދިވެހި މުއައްޒަފަކު ވަނީ ނިޔާވެފައެވެ.
