އައްޑޫ ސިޓީ ހިތަދޫއިން ފުރައިގެން މަސް ހިފަން ޑިންގީއެއްގައި ދިޔަ ތިން މީހުންގެ ތެރެއިން މޫދަށް ފޭބި އެ ރަށު ފެހިވިނަ ތޮލާލު އަހުމަދު ނިޔާވެއްޖެއެވެ.
އެމްއެންޑީއެފުން ބުނީ މަސް ހިފަން ދިޔަ ޑިންގީއަކުން މޫދަށް ފޭބި ދެ މީހުންގެ ތެރެއިން އެކަކު ގެއްލިގެން ރިޕޯޓް ކޮށްފައިވަނީ މިއަދު ހެނދުނު 11:32 ހާއިރު ކަމަށެވެ.
އޭނާ ހޯދުމުގެ މަސައްކަތް ކުރަމުން ދަނިކޮށް މޫދު އަޑިން ފެނިފައިވާ ކަމަށާއި އޭނާއަށް ފަރުވާ ދޭން އައްޑޫ އިކުއޮޓޯރިއަލް ހޮސްޕިޓަލަށް ގެންގޮސްފައިވާ ކަމަށް ވެސް އެމްއެންޑީއެފުން ވަނީ ބުނެފައެވެ.
އިކުއެޓޯރިއަލް ހޮސްޕިޓަލުން މައުލޫމާތުދޭ ގޮތުގައި 12:30 ހާއިރު އެމަޖެންސީގައި މީހަކު ހޮސްޕިޓަލަށް ގެނައި ކަމަށާއި އޭރު ވެސް އޭނާގެ ވިންދެއް ނެތް ކަމަށެވެ. އަދި އޭނާ މަރުވެފައިވާ ކަމަށް 1:05 ހާއިރު ޑޮކްޓަރު ނިންމާފައިވާ ކަމަށް ވެސް ހޮސްޕިޓަލުން ވަނީ ބުނެފައެވެ.
އުމުރުން 24 އަހަރުގެ ތޮލާލު އަހުމަދު މަސައްކަތްކުރަނީ ފޯސީޒަން ރިސޯޓުގައެވެ. އަދި ޗުއްޓީއެއްގައި ރަށަށް އައީ އިއްޔެގެ ވަގުތެއްގައެވެ. ތޮލާލު އަހުމަދުގެ ނިޔާވިރު އިރު އަންބަކު ދުނިޔޭގައި އެބަހުއްޓެވެ.
