ގެނބެމުންދިޔަ ފަތުރުވެރިއަކު ސަލަމާތްކުރަން މޫދަށް ފުންމާލި ދިވެއްސަކު ނިޔާވެއްޖެއެވެ.
ފލުހުން ބުނީ، އދ. ސެންޓަރާ ރިސޯޓުގައި މޫދަށް އެރި އުޅުނު ފަތުރުވެރިއެއް ގެނބިގެން އެ މީހާ ސަލާމަތްކުރަން މޫދަށް ފޭބި މީހަކު ގެނބިގެން މިއަދު 11:05 އެހާކަންހާއިރު ރިޕޯޓުކޮށްފައިވާ ކަމަށެވެ.
އެ މީހާ ދަނގެތީ ސިއްހީ މަރުކަޒަށް ގެންދިޔައިރު ވެސް ވަނީ ނިޔާވެފައެވެ.
ރިސޯޓުން ވާހަކަދެއްކި މީހަކު ބުނީ އެއީ ރިސޯޓުގެ މުއައްޒަފެއް ކަމަށްވާ އުމުރުން 39 އަހަރުގެ ދިވެހި ފިރިހެނެކެވެ. އެ މީހާއަކީ އައްޑު ހިތަދުއަށް ނިސްބަތްވާ މީހެކެވެ.
މި ހާދިސާގައި ގެނބުނު ފަތުރުވެރިޔާގެ ހާލު ރަނގަޅު ކަމަށް ފުލުހުން މައުލޫމާތުދެއެވެ. ފުލުހުން އަންނަނީ މި ހާދިސާއާ ގުޅިގެން އިތުރަށް ބަލަންޖެހޭ ކަންކަން ބަލަމުންނެވެ.
މި ދުވަސްވަރަކީ ރާއްޖޭގެ ކަނޑުތައް ގަދަ ބޯކޮށް ވިއްސާރަވެހޭ ދުވަސްވަރެއް ކަމަށް ވުމުން ކަނޑުމަތީގައި އުޅޭ ފަރާތްތަކުން އިތުރަށް ސަމާލުވުމަށް ކަމާ ބެހޭ އިދާރާތަކުން އަންނަނީ ތަކުރާރުކޮށް އިލްތިމާސް ކުރަމުންނެވެ.
