މި ދުވަސްވަރު ކުރަމުންދާ ވިއްސާރައިގަ މިއަދު ހުޅުމާލެ ފަޅު ތެރެއަށް އަޑިއަށްދިޔަ ލޯންޗެއް ފެންމަތި ކުރުމުގެ މަސައްކަތް ފަށައިފިއެވެ.
އެމްއެންޑިއެފުން މައުލޫމާތުދޭ ގޮތުގައި މި ލޯންޗު އަޑިއަށް ދިޔައީ ފަޅުތެރެ ގަދަވުމާއި ރެއާއި މިއަދު ވެހުނު ބޯވާރޭގައި ދިޔަ ވުމުގެ ސަބަބުންނެވެ. މި ލޯންޗު ފެންމަތި ކުރުމުގެ މަސައްކަތް ކުރަމުންދަނީ މާލޭ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންއިންނެވެ.
މިއީ އެންވަރމަންޓު ޕްރޮޓެކްޝަން އޮތޯރިޓީގެ ލޯންޗެކެވެ. މި ލޯންޗަށް ލިބުނު ގެއްލުމެއް ނުވަތަ މިއީ މިހާރުވެސް ބޭނުންކުރަމުންދާ ލޯންޗެއްކަމެއް، އީޕީއޭއިން މިހާތަނަށް ހާމަކޮށްފައި ނުވެއެވެ.
މި ދުވަސްވަރު ރާއްޖޭގެ ބޮޑު ބަޔަކަށް މޫސުން ގޯސްވެ ކަނޑު ގަދަވުމުގެ ސަބަބުން ކަނޑު ދަތުރުފަތުރުކުރާ އުޅަނދު ތަކަށް ސަމާލުވުމަށް މެޓު އޮފީހުންނާއި ކަމާ ބެހޭ އިދާރާތަކުން ވަނީ އިލްތިމާސް ކޮށްފައެވެ.
