މިދިޔަ ސެޕްޓެމްބަރުމަހުގެ ތެރޭގައި މާލޭ ފެމިލީ ކޯޓުން ނިންމި 97 ވަރީގެ މައްސަލައާއި އެކު މިއަހަރު މިހާތަނަށް 911 ވަރީގެ މައްސަލަ ނިންމައިފިއެވެ. ކައިވެނީގެ ހިސާބުތަކަށް ބަލާއިރު މިދިޔަ މަހު ފެމިލީ ކޯޓުން ކޮށްދިން 137 ކައިވެންޏާއެކު މި އަހަރުގެ މި ހަތާނަށް 1754 ކައިވެނި ވަނީ މާލޭ ފެމިލީ ކޯޓުން ކޮށްދީފައެވެ.
ވަރި ކުރުމުގެ މަރުހަލާތަށް ކުރިއަށްވުރެ ’ދަތ‘ ގޮތަކަށް އޮތަސް އަދި ފަސޭހައިން ވަރި ނުކުރެވޭ ގޮތް ހެދުމުންވެސް ވަރީގެ ނިސްބަތް މަދުވާކަމަށް ފެމިލީ ކޯޓުގެ ތަފާސް ހިސާބުތަކަކުން ނުދައްކައެވެ.
ތިރީގައި މިވަނީ މި އަހަރު މިހާތަނަށް ކޮންމެ މަހަކު ފެމެލީ ކޯޓުން ނިންމާފައިވާ ވަރީގެ އަދަދާއި ކައިވެނީގެ އަދަދުތަކެވެ.
- ޖެނުއަރީ: 195 ކައިވެނި، 127 ވަރި
- ފެބްރުއަރީ: 178 ކައިވެނި 98 ވަރި
- މާރޗް: 245 ކައިވެނި، 115 ވަރި
- އެޕްރިލް: 114 ކައިވެނި، 76 ވަރި
- މެއި: 185 ކައިވެނި، 132 ވަރި
- ޖޫން: 254 ކައިވެނި، 79 ވަރި
- ޖުލައި: 281 ކައިވެނި، 55 ވަރި
- އޮގަސްޓު: 171 ކައިވެނި، 132 ވަރި
- ސެޕްޓެމްބަރު: 131 ކައިވެނި، 97 ވަރި
އާބާދީގެ ނިސްބަތުން ދިވެހި ރާއްޖެ އަކީ ދުނިޔޭގެ އެންމެ ވަރި ގިނަ ގައުމެވެ.
