ހދ. ހަނިމާދޫ ގެއެއްގެ ތެރެއިން މަރުވެފައި އޮތް ދިވެއްސަކު މިއަދު ފެނިއްޖެއެވެ.
ހަނިމާދޫ އިން ކޮޓަރިއެއް ކުއްޔަށް ނަގައިގެން އުޅޭ މީހަކު ރޭ ކޮޓަރިއަށް ވަންގޮތަށް ޚަބަރެއްނުވުމުން ފުލުހުންނަށް ރިޕޯޓު ކުރުމުން ފުލުހުން އެ މީހާ ދިރިއުޅޭ ކޮޓަރިއަށް ވަންއިރު އެ މީހާގެ ހަރަކާތެއް ނެތް ކަމަށާއި އޮތީ އެނދުމަތީގައި ކަމަށް ފުލުހުން ބުންޏެވެ.
އެ ރަށު ހެލްތު ސެންޓަރާ ހަވާލާދީ ފުލުހުން ބުނީ، އެ މީހާ ހެލްތު ސެންޓަރަށް ގެންދިޔައިރު ވެސް މަރުވެފައިވާ ކަމަށެވެ.
މި ހާދިސާގައި މަރުވެފައިއޮށްވާ ފެނުނީ ކުޅިވަރުގެ ދާއިރާގައި ހަރަކާތްތެރިވަމުން އައި ނިއުރޭޑިއަންޓުގެ ކުރީގެ އޮފިޝަލް އަހުމަދު ޖަލީލް، 64 އެވެ.
އަހުމަދު ޖަލީލަކީ އެ ރަށަށް ގޮސް އެ ރަށުގައި މިހާރު ދިރިއުޅެމުން އަންނަ މީހެއް ކަމަށް ކައުންސިލުން މައުލޫމާތު ދެއެވެ.
ހަނީމާދޫގައި އީދު ކުޅިވަރުގެ ކަންކަމުގައިވެސް އިސްކޮށް ހަރަކާތްތެރިވި އަހުމަދު ޖަލީލު އިއްޔެވެސް އުޅުނީ ވަރަށް ހަރަކާތްތެރިކޮށް ކަމަށްވެއެވެ.
