ޕީޕީއެމް ޕީއެންސީގެ ކެންޑިޑޭޓެއް ގޮތުގައި ރައްޔިތުންގެ މަޖުލީހަށް ވާދަކުރުމަށް ބާއްވާ ޕްރައިމަރީގައި ވާދަކުރުމަށް ހުށައަޅާފައިވާ ހުރިހާ ކެންޑިޑޭޓުންނަށްވެސް ބައިވެރިވެވޭނެ ކަމަށް އިއުލާންކޮށްފިއެވެ.
ފިތުނަ ފަސާދަ އުފެއްދުމާއި، ޕީޕީއެމް ޕީއެންސީއަށް އެކަށީގެންވާ ހިދުމަތްތަކެއް ކޮށްދީފައިނުވާ ކަމަށް ބުނެ ބައެއް ކެންޑީޑޭޓުންނަށް އެކަން އަންގައި ކެންޑިޑެންސީ ވަނީ ބާތިލުކޮށްފައެވެ. މި ކަމުގެ މައްސަލާގައި އުފެދުނު ހަމަނުޖެހުމާއި ޝަކުވާތަކަށް ބަލައި މިއަދު ވަނީ އެ ނިންމުން އަނބުރާ ގެނެސްފައެވެ.
ޕީއެންސީގެ ޗެއާޕާސަން އަބްދުއްރަހީމް އަބްދުﷲ އެކްސްގައި ވިދާޅުވީ ބައެއް ކެންޑިޑޭޓުންނަށް ކުރިމަތި ނުލެވޭ ގޮތަށް ނިންމުމާ އެކު ހުށަހެޅި ޝަކުވާތަކަށް ރިއާޔަތްކުރައްވައި ރައީސް މުއިއްޒުގެ ނިންމެވުމަކީ ހުރިހާ ކެންޑިޑޭޓުންނަށް ފުރުސަތު ހުޅުވާލުން ކަމަށެވެ.
ޕީޕީއެމް ޕީއެންސީގެ ޕްރައިމަރީގައި ވާދަކުރުމަށް ގިނަ އަދަދެއްގެ މީހުން ފޯމު ހުށަހަޅާފައިވާއިރު، އެ ޕްރައިމަރީ ބާއްވާ ތާރީހު އެކި ފަހަރު މަތިން ފަސްކުރަމުން ގޮސް މިހާރު ނިންމާފައިވަނީ އަންނަ ހޮނިހިރު ދުވަހު އިންތިހާބު ބޭއްވުމަށެވެ.
