ރޭ ހުޅުމާލޭގައި ހިނގި ނުރައްކާތެރި އެކްސިޑެންޓެއްގައި އަނިޔާވި ހަތަރު މީހުންގެ ތެރެއިން 2 މީހެއްގެ ހާލު ސީރިއަސްވެ އޭޑީކޭ ހޮސްޕިޓަލަށް ބަދަލުކޮށްފިއެވެ.
މި އެކްސިޑެންޓު ހިނގާފައިވަނީ ހުޅުމާލޭ ސެންޓްރަލް ޕާކް ކައިރީގައެވެ. ކާރަކާއި ތިން ސައިކަލު ޖެހި ހިނގި އެކްސިޑެންޓުގައި އަނިޔާވީ 2 އަންހެނުންނާއި 2 ފިރިހެނުންނެވެ.
އެކްސިޑެންޓުގައި އަނިޔާވީ މީހުން ފުރަތަމަ ފަރުވާ ދިނުމަށް ގެންދިޔައީ ހުޅުމާލެ ހޮސްޕިޓަލަށެވެ. އޭގެ ތެރެއިން އަންހެނަކާއި ފިރިހެނެއްގެ ހާލު ސީރިއަސް ކަމަށް ރޭ ފުލުހުން ބުންޏެވެ. އެ ދެމީހުންނަށް މިހާރު ފަރުވާ ދެމުން އަންނަކީ އޭޑީކޭ ހޮސްޕިޓަލުގައެވެ. އޭޑީކޭ ހޮސްޕިޓަލުން މައުލޫމާތުދޭ ގޮތުގައި މިއަދު ހޮސްޕިޓަލަށް ބަދަލު ކުރި 2 މީހުންގެ ތެރެއިން އެކަކަށް ފަރުވާ ދެމުން އަންނަނީ އައިސީޔޫގައެވެ. ދެވަނަ މީހާއަށް ފަރުވާ ދެމުން އަންނަނީ އެޗްޑީޔޫގައެވެ.
