ގިނަ ދުވަސްތަކެއް ވަންދެން އެމްޑީޕީ ހިންގާ ގޮތާއި، ސަރުކާރާ ދޭތެރޭ ހިތްހަމަ ނުޖެހޭ ކަމަށް ޝަކުވާކުރަމުން ގޮސް އެންމެ ފަހުން ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ)ގެ ރައީސްގެ މަގާމުން އިސްތިއުފާދެއްވައި، އެމަނިކުފާނު އެޕާޓީން ވަކިވެވަޑައިގެންފިއެވެ.
ސަރުކާރު ހިންގާ މައި ޕާޓީގެ ޗެއާޕާސަން ފައްޔާޒް އިސްމާއިލަށް އެޑްރެސްކުރައްވައި ރައީސް ނަޝީދު ފޮނުއްވި ސިޓީފުޅެއްގައި ވިދާޅުވީ ރާއްޖޭގެ ކަންކަން މިހާރު ހިނގަމުންދާ ގޮތަށް ބަލާއިރު އެމަނިކުފާނު އެމްޑީޕީގައި ހުރުން ”އެއީ އެންމެ ރަނގަޅު ގޮތް ކަމަށް ނުދެކޭ ކަމުން.“ އެމްޑީޕީން އިސްތިއުފާ ދެއްވާފައިވާ ކަމަށެވެ.
އެމަނިކުފާނުގެ އަމިއްލަފުޅު ޓްވިޓާ އެކައުންޓުގައި ވަނީ އެމްޑީޕީން ވަކިވިކަން އަންގަވައި ފޮނުއްވި ސިޓީފުޅު އާންމު ކުރައްވައިފައެވެ.
އެމްޑީޕީ އުފެއްދުމުގައިވެސް އިސްކޮށް ހަރަކާތްތެރިވެވަދައިގަތް ރައީސް ނަޝީދު ދިވެހިރާއްޖޭގެ އެންމެ ބޮޑު ސިޔާސީ ޕާޓީއިން ވަކިވެވަޑައިގަތީ އެޕާޓީއަށް 18 އަހަރުވާން ގާތްވެފައި ވަނިކޮށެވެ. ރައީސް ނަޝީދަކީ އެމްޑީޕީގެ ފުރަތަމަ ވެރިކަމުގައި ރައީސްކަން ކުރެއްވި ރާއްޖޭގެ މަލްޓިޕާޓީ ޑިމޮކްރެސީގެ ފުރަތަ ރައީސެވެ.
މި ސަރުކާރު އިންތިހާބުވީއްސުރެން ނަޝީދާއި އެމްޑީޕީގެ އިސް ބައެއް މެމްބަރުންނާ ދޭތެރޭ ބަހުގެ ހަމަލާ ބަދަލުކުރަމުން ގޮސް އެންމެ ފަހުން ވަނީ ރައީސް އިބްރާހިމް މުހައްމަދު ސޯލިހާ ދެކޮޅަށް ނިކުންނަވާ ޕާޓީގެ ކޮންޓްރޯލް ހޯދުމަށް މަސައްކަތް ކޮށްފައެވެ. ގައުމީ މަޖުލީހާއި ޗެއަރޕަސަން ގެ ކޮންޓްރޯލް ނަޝީދު އަތުން ގެއްލުމުން ފާޅުގައި ނިކުމެ، މިހާރު ދަނީ ސިޔާސީ ޕާޓީއެއް ހެދުމުގެ މަސައްކަތް ފަށާފައެވެ.
Mdp vikivi eyrun mdpin vahkeh nuvey mibasliyefaivaneenubaikoh miee reyvumakah ves vedhaane