ޕީޕީއެމް ސިޔާސީ ގޮތުން ދެބައިވެ، ރައީސް ޔާމީނާއި މައްސަލަތައް ޖެހުމުގައި ޕާޓީ ތެރޭގައި ފިތުނަ ފަސާދަ ފަތުރަން މަސައްކަތް ކުރި ކަމަށް ބުނެ ބައެއް މެމްބަރުންގެ ކެންޑިޑެންސީ ބާތިލުކޮށްފިއެވެ.
ޕީޕީއެމް ޕީއެންސީ ގެ ފަރާތުން ރައްޔިތުންގެ މަޖުލީހުގެ އިންތިހާބަށް ވާދަކުރުމަށް ހުށައަޅާފައިވާ މެމްބަރުންގެ ތެރެއިން ފިތުނަ އުފައްދައި އެކަމަށް މަސައްކަތް ކުރީ ކިތައް މެމްބަރުން ކަމެއް އެ ފަރާތުން ބުނެފައި ނުވެއެވެ. ނަމަވެސް ކުރިން ޕްރައިމަރީ ބޭއްވުމަށް ހަމަޖެހިފައިވާ ބައެއް ދާއިރާ ތަކުން ޕްރައިމަރީއަކާ ނުލާ ކެންޑިޑެންސީ ކަށަވަރު ވެފައިވާ ކަމަށް ޕީޕީއެމް ޕީއެންސީ ކޯލިޝަނުގެ އޮފިޝަލަކު ކަށަވަރު ކޮށްދެއެވެ. އެ ފަރާތުން މުރާސިލަށް މައުލޫމާތު ދެމުން ވިދާޅުވީ ޕީޕީއެމް ޕީއެންސީ ކޯލިޝަނުން ޕްރައިމަރީ ބާއްވާ ދާއިރާތައް ކެންޑީޑޭޓުންނަށް އަންގާފައިވާ ކަމަށާއި އަދި ޓިކެޓު ލިބޭނެ ކެންޑީޑޭޓުންނާއި،ކެންޑީޑެންސީ ބާތިލުކޮށްފައިވާ ކެންޑިޑޭޓުންނަށްވެސް މިހާރު އެކަން އަންގާފައިވާނެ ކަމަށެޗެ. މިގޮތުން ފިތުނަ ފަސާދަ އުފެއްދުމުގައި ބައިވެރި ނުވިޔަސް، ޕާޓީއަށް އެކަށީގެންވާ ހިދުމަތެއް ކޮށްދީފައިނުވާ ކެންޑީޑޭޓުންގެ ކެންޑިޑޭންސީ ބާތިލުކޮށް އެކަން ވަނީ އެ ފަރާތްތަކަށްވެސް އަންގާފައެވެ. ރައީސް އޮފީހުގެ ސީނިއަރ މިނިސްޓަރު އަބްދުއްރަހީމު އަބްދުﷲ ސޮއިކުރައްވައި ފޮނުވާފައިވާ ސިޓގައި ފިތުނަ ފަސާދަ އުފެއްދުމަށް ކުރި ކަމެއްގެ ތަފްސީލެއް އަދި ޕާޓީއަށް ނުކޮށްދެވުނީ ކޮން ކަމެއް ކަމެއް، ބަޔާންކޮށްފައި ނުވެއެވެ.
ތިން ފަހަރަށް ލަސްކޮށްފައިވާ ވެރިކަންކުރާ ޕީއެންސީ ކޯލިޝަނުގެ ޕްރައިމަރީ އޮންނާނެ ކަމަށް މިހާރު ކަނޑައަޅާފައިވާ ތާރީހަކީ މި މަހުގެ 27 ވަނަ ދުވަހެވެ.
