ފަލަސްތީނުގެ ރައްޔިތުންނާ ދެކޮޅަށް އިޒްރޭލުން ދެމުންދާ އުދުވާނީ ހަމަލާގައި 800 އަހަރަށް ވުރެ ގިނަ ދުވަސްވީ ’ގްރޭންޑު އަލް އުމާރީ މޮސްކު‘ ނުވަތަ އުމާރީ މިސްކިތް ބިމާ ހަމަކޮށްލައިފިއެވެ. ގާޒާ ގެ އެކި ތަންތަނަށް އިޒްރޭލުން ދެމުންދާ މިސައިލު ހަމަލާތަކުގައި އުމާރީ މިސްކިތްތަށް ވަނީ އެކި ފަހަރުމަތިން ހަމަލާދީފައެވެ. ފަލަސްތީނުން ބުނަމުންދަނީ މިހާރު އިޒްރޭލުގެ މަގުސަދަކީ ފަލަސްތީނުގެ އާސާރީ މުސްލިމު ބިނާތައްވެސް ފުނޑުފުނޑުކޮށް އެތަންތަނަކީ ވުޖޫދުގައިވެސް ނެތް ތަންތަނެއް ކަމަށް ހެދުމަށެވެ.
ފަލަސްތީނުގެ އެންމެ ތާރީހީ ތަންތަނުގެ ތެރޭގައި ހިމެނޭ އުމާރީ މިސްކިތަކީ ފަލަސްތީނުގެ ތިންވަނައަށް އެންމެ ބޮޑު މިސްކިތެވެ. މި މިސްކިތަކީ މުސްލިމުން އަޅުކަން ކުރެވޭ ގޮތަށް މިސްކިތަކަށް ބަދަލު ކުރެވީ މިސްރު ފަތަހަ ކުރެއްވި މުސްލިމުންގެ ކޮމާންޑަރު އަދި ފަހުން ގަވަރުނަރު ކަމުގައި ހުންނެވި އަމްރު ބުން އާސް އެވެ. މި މިސްކިތަށް ނަން ދެވުނީ އިސްލާމުންގެ ދެވަނަ ހަލީފާ އުމަރުގެ ފާނު ގެ ނަންފުޅަށް ނިސްބަތްކޮށެވެ.
ސަލީބީންނާއި މުސްލިމުންގެ ގެ މެދުގައި ހިނގި ހަނގުރާމައިގައި މި މިސްކިތް އަލުން މުސްލިމުންނަށް ހޯދައިދެއްވާ މަރާމާތުކޮށް މިސްކިތް ބޮޑުކޮށްދެއްވީ މަޝްހޫރު އިސްލާމީ ހަނގުރާމަވެރިޔާ ސަލާހުއްދީން އައްޔޫބީއެވެ.
