މި މަހުގެ ނުވަ ވަނަ ދުވަހު ބޭއްވި ރިޔާސީ އިންތިހާބުގައި އަމިއްލަ ގޮތުން ވާދަކުރެއްވި ފާރިސް މައުމޫން، ދެ ވަނަ ބުރުގައި އެއްވެސް ކެންޑިޑޭޓަކަށް ތާއީދުނުކުރައްވަން ނިންމަވައިފި އެވެ.
ފާރިސް ވިދާޅުވީ ލިބުނު ވޯޓުގެ އަދަދަށް ބަލާއިރު ވެސް އެގޮތުން މާ ތާއީދު ބޮޑު ބައެއް ކަމަކަށް ނުދެކޭ ކަމަށާއި، ވަކި ކެންޑީޑޭޓަކަށް ތާއިދު ކުރުމުން އޭނާއަށް ވޯޓު ދިން މީހުން އެ ގޮތަށް އަމަލު ކުރާނެ ކަމަށްވެސް ނުބެލެވޭ ކަމަށެވެ.
ފާރިސް ވަނީ ރިޔާސީ އިންތިހާބުގެ ދެވަނަ ބުރަށް ދަތުރުކުރި ދެ ކެންޑީޑޭޓުން ކަމަށްވާ ޑރ. މުއިއްޒާއީ ރައީސް އިބްރާހިމް މުހައްމަދު ސޯލިހަށް، ކަންތައްތަކެއް ހުށައަޅުއްވާފައެވެ. މިއަދުގެ ނިއުސް ކޮންފަރެންސްގައި ފާރިސް ވިދާޅުވީ ހުށައެޅުއްވި ކަންތައްތަކަކީ އެ ބޭފުޅުންނަށް މި ވަގުތަށް ކުރެވޭނެ ކަމެއްކަމަށް ދެކެވަޑައި ނުގަންނަވާ ކަމަށެވެ. ހާއްސަކޮށް އެންމެ ބޮޑު ދެ ޕާޓީގެ ކެންޑިޑޭޓުންނަށްވެފައި އެ ޕާޓީތަކުންވެސް ނިންމަން ޖެހޭ ނިންމުންތައް ހުންނާނެތީ ކެންޑީޑޭޓުން އަމިއްލައަށް ނިންމޭ ވަރުގެ މުއްދަތެއްވެސް ނެތް ކަމަށެވެ.
ރިޔާސީ އިންތިހާބުގެ ފުރުތަމަ ބުރުގައި ފާރިސްއަށް ލިބިވަޑައިގަތީ 2979 ވޯޓެވެ.
Faarish Rangalhu vaanee hama thigothugaa huriyyaa meehunaa gulhigen noolhevey e meehakah hama rangalhuvaanee thigothah fookahaala kahaala hurun, ehennaa anekkaaves bodu kolhungandeh dhaanee