ލ.ފޮނަދޫ ޕޮލިސް ސްޓޭށަނުގެ ބެލުމުގެ ދަށުގައި ހުރި ބަނގުރާތައް ނައްތާލައިފިއެވެ.
ފުލުހުންގެ އިދާރާއިން މައުލޫމާތުދޭ ގޮތުގައި އެކި މައްސަލަތަކުގައި ފުލުހުންގެ ބެލުމުގެ ދަށަށް ގެނެސްފައިވާ ތަކެތީގެ ތެރެއިން ލ. ފޮނަދޫ ޕޮލިސް ސްޓޭޝަންގެ ބެލުމުގެ ދަށުގައިހުރި ބަނގުރާ ނައްތާލާފައިވަނީ އޮގަސްޓު 16 ވަނަ ދުވަހު ފޮނަދޫ ޕޮލިސް ސްޓޭޝަނުގެ ގޯތި ތެރޭގައެވެ.
ނައްތާލި ބަނގުރާ ތަކަކީ މި އަހަރުގެ މެއި 21 ވަނަ ދުވަހުން ފެށިގެން އޮގަސްޓް 9 ވަނަ ދުވަހާ ހަމައަށް 12 މައްސަލައެއްގައި ފުލުހުންގެ ބެލުމުގެ ދަށަށް ގެނެސްފައިވާ 31 ފުޅި ބަނގުރަލާއި 23 ދަޅު ބިޔަރެވެ.
ބަނގުރާ ނައްތާލުން ކުރިއަށް ގެންގޮސްފައިވަނީ ފުލުހުންގެ ބެލުމުގެ ދަށަށް ގެނެވޭ ބަނގުރަލާއި ބަނގުރަލުގެ މައްސަލަތަކާ ގުޅިގެން ހިފެހެއްޓޭ ތަކެތި ނައްތާލުމުގައި އަމަލުކުރާ ގޮތުގެ ގަވާއިދުގެ ދަށުން ކަމަށްވެސް ފުލުހުންގެ އިދާރާއިން މައުލޫމާތު ދެއެވެ.
