ހުޅުމާލޭ ފޭސް އެކެއްގައި ކާރެއް އެކްސިޑެންޓުވެ ދުއްވަން އިން މީހާ ނިޔާވެއްޖެއެވެ.
މި ހާދިސާގެ މައުލޫމާތު ހިއްސާކޮށް ފުލުހުންގެ މީޑިޔާ އޮފިޝަލު ވިދާޅުވީ ހުޅުމާލޭ ފޭސް އެކެއްގެ ހިތިގަސް މަގު ޕްލެޓިނަމް ކައިރީގައި ދެ ކާރު ޖެހި އެތަނުން އެއް ކާރު ކޮންޓްރޯލްނުވެ ގޮސް ޑިވައިޑަރުތަކުގައި ޖެހި އެކްސިޑެންޓެއް ހިނގައިފައިވާ ކަމުގެ މައުލޫމާތު ފުލުހުންނަށް ރިޕޯޓްކޮށްފައިވަނީ މިއަދު ހަވީރު 17:47 ގައި ކަމަށެވެ.
މި އެކްސިޑެންޓުގައި ނިޔާވީ ޓެކްސީ ދުއްވަން އިން އުމުރުން 65 އަހަރުގެ ފިރިހެނެކެވެ.
މި އެކްސިޑެންޓުގައި އިތުރު 3 މީހަކަށްވެސް އެކި ވަރުގެ އަނިޔާ ލިބި، މިހާރު ދަނީ ހޮސްޕިޓަލުގައި ފަރުވާ ދެމުންނެވެ.
