ކޮވިޑް19 އާއި ދެކޮޅަށް ފަށާފައިވާ ވެކްސިން ޕްރޮގްރާމް ގެ ދަށުން މިއަދު ވެކްސިން ޖެހުން ނޯންނާނެކަމަށް އެޗްޕީއޭއިން ހާމަކޮށްފިއެވެ. މިއީ ވެކްސިން ޕްރޮގްރާމް ފެށިފަހުން ވެކްސިން ގެ ހަރަކާތެއް ނޯންނާނެކަން އެންގި ފުރަތަމަ ދުވަހެވެ. މީގެ ފަހުން ވެކްސިން ޖަހާނީވެސް ހޮނިހިރުން ފެށިގެން ބުރާސްފަތި ދުވަހާ ދެމެދުކަމަށްވެސް އެޗްޕީއޭއިން ވަނީ މައުލޫމާތު ދެއްވާފައެވެ.
ރާއްޖޭގައި ވެކްސިން ދިނުމުގެ ގޮތުން އެޗްޕީއޭއިން ފަށާފައިވާ ކެމްޕޭން ’ދިފާއު‘ މިއަދު އެކަނިވެސް 7818 މީހަކަށް ވެކްސިން ދީފައިވެއެވެ. މި ގޮތުން ގްރޭޓަރ މާލެ އޭރިއާގައި 5998 އަދި އަތޮޅުތަކުގައި 1820 މީހަކު މިއަދު ވަނީ ވެކްސިން ޖަހާފައެވެ. މުޅި ޖުމްލަ މިހާތަނަށް 64048 މީހަކަށް ވެކްސިން ޖަހާފައިވާއިރު އެއީ މާލޭއޭރިއާއިން 49836 މީހަކާއި އަތޮޅުތަކުން 14212 މީހެކެވެ.
ވެކްސިން ޖެހުމަށް މާލޭއާއި އަތޮޅުތަކުން ދަނީ ވަރަށް ބޮޑު ތަރުހީބެއް ލިބެމުންނެވެ. އަދި ހާއްސަކޮށް ވެކްސިންއަށް ފާޑުކިޔަމުން ދިޔަ ފަރާތްތައްވެސް މިހާރުވަނީ ވެކްސިންޖެހުމުގެ މުހިއްމުކަން ގަބޫލުކޮށް ބައެއް ފަރާތްތަކުން ވެކްސިން ވެސް ޖަހާފައެވެ.
