ރާއްޖޭގެ ހުރިހައި އިމާމުން ތަމްރީނުކުރުމުގެ ގައުމީ މަޝްރޫއުއެއް ފެށުމަށް ނިންމައިފިއެވެ.
އިސްލާމިކް މިނިސްޓަރު ޑރ.މުޙައްމަދު ޝަހީމް މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ ޒަމާނީ ދީނީ ގޮންޖެހުންތަކާއި އިލްމީ, އަޚްލާގީ އަދި ފިގުހީ މައްސަލަތަކަށް އަމާޒުކޮށް ރާއްޖޭގެ ހުރިހައި އިމާމުން ތަމްރީނުކުރުމުގެ ގައުމީ މަޝްރޫއުއެއް އިއުލާންކުރެވޭނެ ކަމަށެވެ.
ރާއްޖޭގައި 800 އަށް ވުރެ ގިނަ އިމާމުން އުޅޭއިރު، މީގެ ފުރަތަމަ ބުރު ގއ.އަތޮޅުގައި އަންނަ ފެބްރުއަރީގައި ފަށާނެ ކަމަށާއި ފުރަތަމަ ބުރުގައި 77 އިމާމުން ބައިވެރިވާނެ ކަމަށް މިނިސްޓަރު ވިދާޅުވިއެވެ.
