ކ. ހިންމަފުށީގައި ހުންނަ އައްސޭރި ޖަލުން ފިލަން މަސައްކަތްކުރި 2 ގައިދީން ހިފަހައްޓައިފިއެވެ. މި ދެ މީހުން ޖަލުން ފިލަން މަސައްކަތްކުރީ ޖަލުގެ ފާރުމަތިން ފުންމާލައިގެންނެވެ. މި މީހުން އަތުލައިގަތީ ޖަލު ބަލަހައްޓާ ޕްރިޒަންސް ގާޑުންނެވެ.
ކޮމިޝަނަރ އޮފް ޕްރިޒަންސް އަހުމަދު މުހައްމަދުފުޅު ކުރެއްވި ޓުވީޓެއްގައި ވިދާޅުވީ މިއަދު ފާރުމަތިން ފުންމާލައިގެން ފިލަން އުޅުނު 2 ގައިދީން ހިފަހައްޓާފައިވާ ކަމަށާއި އެކަން ހިނގިގޮތް ބަލަމުން އަންނަކަމަށެވެ. އަދި އެފަދަ ކަންކަން ތަކުރާރު ނުވާނެ ގޮތްތަކަށް ބަލައި ފިޔަވަޅު އަޅަމުން އަންނަކަމަށެވެ.
މި ކަމާ ގުޅިގެން އިތުރު ތަފްސީލެއް ކަމާބެހޭ އެއްވެސް އިދާރާއަކުން މިހާތަނަށް ހާމަކޮށްފައިނުވެއެވެ. މީގެ ކުރިންވެސް ޖަލުން ފިލަން މަސައްކަތްކޮށްފައިވާ މީހުންވަނީ ހައްޔަރުކޮށްފައެވެ. ބައެއް މީހުން ފިލައިގެން މާލެއައިސް އުޅެނިކޮށް އަދި ކަނޑުމަތިންވެސް ހޯދާ ހައްޔަރުކޮށްފައިވެއެވެ.
